داخل دهاليز عقلي.

الأربعاء، 18 مارس 2009

:'(

حقوق النشر محفوظه ل ¤¦¤Ebtehal ¤¦¤ في 9:56 ص

بصوا بصوا .. المشهد ده و تخيلوا معايا كده ..

واحده بنوته .. بتحب الخروج و الهيصه و الاختلاط بالناس و الرغي و الكلام و الفسح و الطنتيط..

واعدت طووووووووول حياتها .. كل يوم بتخرج تقابل ناس ..

طوووووووول الاسبوع في المدرسه .. بتقابل دي و تشوف دي و تهرج و تجري و تلعب ..

ويوم الجمعه الاجازه بتخرج برده تقابل ناس تانيه غير الي بتشفهم طول الاسبوع ..

وحياتها ماشيه كده و كل حاجه تمام جدا ..

حلو ..؟؟

المهم جت البنوته دي خلصت ثانويه عامه و الحمد لله.. واخيرا هتبقي في الكليه ..

وفرحت و بيس ..

كل ده تمام لحد هنا ..

بدأت السنه الدراسيه الجديده ..

يوم 20\9\2008

وكل الناس جريت علي كلياتهم .. او مدرستهم .. او شغلوهم ..

وهي كمان جريت علي كليتها .. حقوق عين شمس ال ..

((الله دي الكليه كبيره قوي و مليانه ناس كتير )) .. كانت اول خاطره جات في دماغ البنت دي ..

وعدي اليوم علي خير و كان وهمي ومحدش يقدر ينكر ..

وجيه اليوم الي بعده .. طبيعي كل الناس نزلت تاني كليتهم.. مدارسهم .. اشغالهم ..

الا صحبتنا دي ..

عشان ظروف كده مش هنتناقش فيها ..

وبقي ده العادي..

انها قاعده في البيت ..

بلا شغله و لا مشغله ..

بعد الحياه الي كلمتكوا عنها في الاول ..

خلاص .. لحد هنا برده عادي جدا ..

المهم جت البنت دي .. اكتئبت ..((حقها جدا جدا جدا )) بصراحه ..

و بقت علي طول بتعيط و بقت بتكره كل حاجه ..

برده لحد هنا عادي ..

بصوا بقي الي مش عادي ..

انها لقت محدش مستحملها .. محدش مستحمل صراخها ..

حتي اقرب اقرب الناس ليها ..

وهي علي فكره مش مجنونه يعني و 24 ساعه صويت و كده عشان ما يستحملوهاش ..

لا خالص ..

انما سعات الاكتئاب بيزيد شويه .. فا بتعيط اكتر او كده ..

وبرده بيزعقوا فيها ..
ده بدل ما يطبطبوا عليها ؟؟

طيب في نظاركوا .. البنت دي تعمل ايه.....؟؟؟

تعمل ايـــــــــــــــــــــــــــــــــــه؟؟


-تشد شعرها .. ؟؟

-تصوت باعلي صوت؟؟

تنتحر؟؟

اكيييييييييييد .. لا ..

طب تعمل ايه ؟؟

اييييييييييه؟؟

حد بقي يبقي يدرس الحاله .. و يقول لي ..

   

5 Comments:

1. عمك ياض said...
   25 مارس 2009 في 8:38 م  
   ممممممممممممم
   طب انا كنت كاتب حاجه في البلوج بتعتي تبع الموضوع ده.. ممكن تشوفيها لو حابه :)
   
   http://lasa3an.blogspot.com/2009/03/80.html
   simply me said...
   27 مارس 2009 في 9:47 ص  
   ياه
   نفس احساسى بالظبط
   زهق واحباط واكتآب
   واللى يزعل اكتر ماحدش حاسس ولا مقدر
   كله يقول حياتك احسن من غيرك كتير
   
   بس انا زعلااااااااااااااااااااانه
   ¤¦¤Ebtehal ¤¦¤ said...
   29 مارس 2009 في 2:35 ص  
   عمك ياض
   ------
   
   جاري القراءه :)
   ¤¦¤Ebtehal ¤¦¤ said...
   29 مارس 2009 في 2:36 ص  
   bondka
   ----
   فعلا يا حبي نفس الكلام بيحصل عندي
   
   وانا زعلانه اكتر
   
   عااااااااااااااااااا
   Ranim Ayman said...
   3 أبريل 2009 في 12:24 م  
   ثلوج قالت لك قبل كده انا مش عايزة اسمع كلمت حزن او اكتئاب هنا انا دخلة افرفش هنا كده هعيط شفتي انا بتحكم فيكي ههههههههه اللة عليا
   واكيد انا مش من الناس الي بتكلمي عنهم وشكلي هخدكم رحلة لدكتور نفسني وانتي عرفة هاخد منين معاكي

Post a Comment