الأربعاء، 2 نوفمبر 2011

وبرغم أننا بنقعد بالشهور ما نشوفش بعض ،، و برغم اني حتي ف الشهور دي مش بسمع عنكوا اي حاجه ،، الا ان كل مره بنتقابل فيها بحس كأني لسه شايفاكوا اليوم الي قبلها ،،

وكل مره بشوفكوا بعرف اكتر يعني كلمه "هديه" ،، يعني ايه ربنا يبعت لك من السما هديه علي هيئه ناس روعه عشان يفضلوا جمبك انت و بس :))

اليوم ده لما شغلنا الفيديو الي عرض كل صورنا سوا ،، وانا عيطت ،، عيطت عشان افتكرت بس احساسي وانا معاكوا و قد ايه -كنت- ببقي "دفيانه "علي طول ،،

بحبكوا جدا و هفضل طول عمري احبكوا ــ بتوحشوني ف الثانيه الي بسيبكوا فيها واحنا سوا ــ بتمني تفضلوا كويسين طول العمر :)

بوست ذكري : بأحساس اللام رجلي م الكعب العالي ،، فرح ياسو :))))

2-11-2011

السبت، 29 أكتوبر 2011

وانا يوم ما سامحت ،، ما سامحتش عشان تستاهل ،، انما سامحت عشان القلب الي مش بيسامح بيعيش لوحده بقيت عمره ،، بس !

الجمعة، 21 أكتوبر 2011

قررت رحيل(ها)

خلاص ــ
همشي م الكوكب ،، همشي ،، و هلاقي كائنات تانيه شكلها مش ادمي ،، بس جواها كل شيء ادمي ،، و هيبقي عندهم عين واحده بس هيشوفوني كويس ،، و بوقين بس هيسيبوني اتكلم و هيسكتوا ،، وودن واحده و برضه هيسمعوني بيها كويس اوي و مش هيسكتوني ،،

هعد احكي لهم حاجات مش هيصدقوا ان في ناس كده ،، و هيعرفوا انهم في نعمه و ان اهل الارض دول هما الي مخلوقات فضائيه معجنه غريبه و غلسه !

مش هيبقي في جاذبيه هبقي متحرره من قيد الجاذبيه ،، و ثقلها !

هصحي الصبح هلاقي واحد فيهم فضائي ،، هقوله صباح الخير ،، هيقولي صباح النور ،، فا يومي هيتفتح ،، هو فوق في شمس صحيح ؟!


مش مهم اكيد هما بيعلموا الصبح بحاجه ،،


اول ما اصحي يقولي حلمتي بأيه ــ اعد اتكلم ببطءو اسرح و افتكر وااحكي ،، ماهو الكائن مش هيزهق مني ،،


وبعدها ياخد رايي في كل حاجه حوالينا ،، بدأ من الشمس - لو في - نهايه بالي هنتعشي بيه - برضه لو في - ، هقول رايي بكل حريه و هعد ارغي و اعيد و ازيد ف الكلام ،،


وهعد انط م الفرحه اني برغي من غير حدود ،، و هبقي متحمسه و صوتي هيعلي ،، بس مش مهم ده الكوكب ده ،، مافيش حدود للصوت ،،،


هضحك جامد اوي ،، اصلي سعات اما بضحك الناس بتقولي يا اوفر ،، بس الكائنات مش بيفرق معاها ــ علي فكره الضحك عندهم ثقافه كمان ،،


هيبقي في تفاهم ومحدش منهم هيفهمني غلط ،، يعني اما اقول كلمه حب محدش فيهم هيجي ف باله علي طول ولد و بنت ،، لان مش ده الحب الوحيد الموجود انما ده جزء ضئيل جدا من الكلمه دي ،،


واما اقول نفسي احضن حد مش هيقولوا عليا مش كويسه ،، عشان اكيد انا قصدي احضن اي حد مش لازم ولد وفي حالتي اكيد مش ولد ،،


علي فكره علميا الواحد بيحتاج 5 احضان يوميا عشان ينمو ! ،، طبعا مش عاوزه اي استظراف و امخاخ تروح بعيد عشان مش انا يعني الي هكتب حاجات غلط ماشي ،،
ممكن حضن عائلي ،، او امومي ،، او صداقي ،،

وده ميزه ف الكائنات دي مش بيفهموا غلط ،، هقول للكائن ده انا نفسي في حضن هيبص لي بصه شفقه اقوله اه نفسي في 30 حضن كمان ،، فا ينادي كائنه بنت تحضني عشان انمو و اعيش و احس بالامان ،، برضه العيش في كوكب من غير جاذبيه اكيد نقصه امان ،،


الكائنات دي برضه ميزتها متعرفش تجرح ،، لو عملت اي حاجه وحشه محدش هيقولك كلام جارح اهوج من غير تفكير ،، براحه و بتفاهم هيقولوا لك كذا غلط عشان كذا ،، كان المفروض تعمل كذا و براحه جدا ،، هتلاقي نفسك غصب عنك اعتذرت و صلحت غلطك و مش هتعمله تاني و هتبقي مبسوط كمان ،، مش زي ناس تانيه الدنيا عندهم اي كلام ف اي وقت لاي حد مش مهم !!


الكائنات دي صادقه جدا ،، مش بيكذبوا و ده بيخلي الكوكب عندهم كل الناس بتثق في كل الناس ،،


و مش بيسيبوا بعض ،، عمرك ما هتتعلق بحد ويمشي و يسيبك عمر عمر !!! بيفضلوا سوا جمب بعض محدش بيسيب التاني لاي سبب ،، مافيش عندهم اسباب تؤدي للفراق اصلا !!


مافيش عندهم حزن ،، لو حد كشر بعد كل المثاليه الي بتحصل دي ، بيلاقي الناس الي حلفت يوم انهم هيبقوا معاه ،، بيلاقيهوم حواليه و يحاولوا يخلوه بضحك و ينبسط ،، حتي لو معرفوش ،، هو من نفسه هيضحك و هينبسط ان في ناس روعه كده بيحاولوا يسعدوه ،،


محدش فيهم بيبص للتاني علي انه اقل منه ف حاجه ،، محدش أحسن من حد ،، لو حد لقي حد اصغر منه وتايهه في الدنيا ،، بيقف جمبه و يحتويه و يعمله و يساعده لحد ما يقف علي رجله ،، و التاني بيبقي عنده رد جميل،، و بيساعد التاني لما الدنيا تهلكه و يبقي محتاج حد يشيل له شنطه بس !


وطبعا محدش فيهم بيحس بالوحده عشان الناس كلها سوا ،، الناس بتسأل عن بعض ،، أحيانا الواحد بيبقي محتاج حد يقوله بس ازيك !!


والله أزيك بس ممكن تغير مود أسبوع بحاله ،،


و مافيش شتايم طبعا و لا صوت عالي الا لو صوت عالي بفرحه او تحمس ،، انما خناق لا ،،


ومافيش معكسات ،، بقولكوا مش بيفهموا بعض غلط ،،


وكل الكائنات بتخاف علي بعض ،، و تحتوي بعض ــ و بتطبطب علي بعض ،،


محدش بيسرق و لا بيغش ولا بيبلطج ،،


كله احتواء انتماء حنان حب صداقه مساعده
عطف اشفاق تدليل ،، المعاني الي اهل الارض نسيوها من زماان ،،

بس ،، طبعا ده كوكب هسميه ،، أبتهالو ،، وهيبقي في مجره غير درب التبانه دي خالص ،، و هعيش مع كائنات نضيفه بقي عشان تعبت ،،،


وعلي راي عمر طاهر الارضي : انا كوكب ماشي لوحده ومافيش للوحده حدود !!



الاثنين، 10 أكتوبر 2011

حته من قلبي لوحدي :))





كنت عاوزه اقولك بس اني بجد بحسد نفسي ان اعرفك ، و انك اقرب صحابي ،، واني ببقي ف اسعد لحظات حياتي و انا قاعده معاكي ،،

وكل حاجه يتحكيها حصلت لك ،، انا بحس انها حصلت لي بالزبط ،، و ديما من قلبي بدعي اني اشوفك بتضحكي علي طول و بعد ارقيكي في سري كل ما اشوفك عشان بخاف عليكي حد يحسدك ،،

وده الي خلاني ازعق لك اما حطيتي صوره ابنك ع النت ــ عشان خفت يحصل لك حاجه و نتألم احنا الاتنين ــ

بس النهارده اما كنتي بتتكلمي معايا ،، و جات فكره سفرك تاني ــ مع اني عارفه انه هيحصل الا اني حزنت اوي جوايا ــ و حته من قلبي وجعتني جدا ، واما قلتي لي ان مامتك مش حابه السفر كنت عاوزه اعيط بأعلي صوتي و اقولك وانا كمان ،، بس خفت تحسبيني لسه صغيره و اتكسفت من نفسي اوي اني اعمل كده ،،

مش متخيله انه ممكن يجي يوم توحشيني ومعرفش اروح اشوفك ،، او يحصل لي اي تطورات ف حياتي و ما تبقيش موجوده ،،

وازاي اول بيبي هيقولي يا خالتو هيكبر بعيد عني ،، وازاي مش هبقي موجوده في اول لحظه يقول فيها اسمي قدامي ،،

وازاي مش هتجري تتصلي بيا عشان اجي اشوفه و هو بينطقه ،، ومش هنعمل شوبينج بيه زي ما كنا بنحلم ؟؟

ومش هنخلف سوا في يوم واحد عشان ولادنا يبقوا صحاب زينا زي ما حلمنا ؟؟

طيب ولما اروح مكان فيه زمايلنا بتوع الدراسه مش هلاقي اختي الكبيره الي بحب ادخل ماسكه اديها واحس اني صغيره جمبها و اني جايه معاها حتي مع اني بعرف اروح كل حته ف الدنيا دي لوحدي ؟؟

ومين هيضحك معايا علي حاجات غريبه مش بتضحك ،،

ومين هيفهم الكلمات الغريبه الي انتي بتعبري بيها عن حاجات مالهاش علاقه بالكلمات دي ،، و كل الناس يبقي حوليها الف علامه استفهام و انا الوحيده الي افهمك و الاقيكي تقولي لهم هي فهمتني بكل فخر ؟

ولما تمشي مين الي هيديني من خبراته زي ما بتعملي ،، انتي الوحيده - غير مامتي - الي اما بكون معاها بتعد تشرح لي كل شيء جديد عليا عشان تعلمني ،، من الطبيخ ،، للحمل ،، و حتي حما البيبي ،،

ومين الي بلاقي منها اصدق تعبيرات ،، ومين الي بجد معاها بحس اني الي بتعبه و بعملهولها - بيطمر - وبلاقي منك رد فعل جميل يرضي غروري كانسان ،،


انتي مش متخيله بعدك انا دنيتي هتنقص حته جميله اوي ،، زي ما نقصت اما كنا في ثانوي ،،

و هفضل طول عمري اما اعدي من عند بيتك - الي كده كده ف كل مشاويري بعدي عليه - هفتكرك و هتالم اوي اوي ،، وممكن اعيط كمان ،،

انا نفسي انك تسافري طبعا عشان بس بحب اشوفك مرتاحه ،، و عشان نفسي تبقي مبسوطه انتي و اسرتك الصغيره ،، بس بجد هبقي تعيسه اوي من غيرك ،،

عامه طبعا ف الاول و ف الاخر ده قرارك انتي و شريك حياتك - جوزك يعني و بلاش دراما رخيصه مني - :D

والي هيتعمل انا راضيه بيه عشان دي في الاول والاخر حياتكوا انتوا ،،

بس بجد كان نفسي نفضل صحاب لحد ما نعجز سوا و نكبر سوا ونقول يااااه من 50 سنه اتقابلنا =))))))))

الخميس، 29 سبتمبر 2011




لما اموت وزعوا صورتي وانا ف القبر علي كل الناس الي بتكرهني ،، عشان انا عارفه اني هموت و ف عيني نظره شماته ليهم اني سبت لهم الدنيا و استريحت للابد ،،

* وهموت سعيده كمان اني عملت لهم لخبطه لحياتهم و هيضطروا يأجلوا حاجات كتير عشان العزا بتاعي ،، و هيبقوا مضطرين يمثلوا انهم حزانا ــ و مش هيعرفوا يستمتعوا بحياتهم فتره ،، علي رغم من كرههم ليا


الاثنين، 12 سبتمبر 2011

she is losing her faith
!!

الجمعة، 9 سبتمبر 2011

وأشْـهَـقُ جُـرحـَــآآ






"من من بعثر ملامحي علي الرصيف ،، من منا خذل الاخر " ؟؟


قالتها ذات صباح و هي تحتسي قدح القهوه خاصتها ،، و الضروري لبدء يوم نشيط ،،


و خانتها دمعه كانت مخبئه في تجاويف قلبها و عينها ،،

ومع ذلك أبتسمت أبتسامه تهكم ،، لانها تعرف الان كم كانت حمقاء حين صدقته ،،

ثم قالت بصوت عالي كأنها تحدثه و كأنها واثقه انه سوف يسمعها ،،

(( انت تخليت عني ،، تحت اي مسمي او اي ضغط ،، أ ن ت ت خ ل ي
))
ثم ضحكت بطريقه عصبيه ،، و قامت من مكانها وقفت عند النافذه ،،

نظرت للافق الواسع امامها ،، و تنهدت بحرقه ،،


لماذا صوته لا يزال في اذنها ،،


لماذا كلماته تتراقص أمامها كلهب مشتعل طوال الوقت ،،؟؟

هو خذلها و هي تعرف أذن لماذا الحنين ؟!!

تبعد هذا الافكار عن دماغها ،، أنت خذلتني ،، تعيدها ثانيا كأنها تريد أن تحفظها ،،

تنظر من النافذه مره أخري كي تنساه للحظه ،، عقلها يصرخ ،، أنت خذلتني ،،

تومأ براسها ايجابيا كأنها تؤيد ما قاله عقلها ،، تسقط الدمعه الثانيه رغما عنها ،،

تمسحها سريعا بقوه كأنها ترفض ان تبكي لاجله ،، و تقول بصوت عالي للمره الثانيه ،، هو خذلني ،،

لن أسامحه مهما فعله ،، هو خذلني ،، معاتبه اياه كأنه واقف امامها ،،

يجب ان تعرف انك خذلتني كل يوم في عمرك ،، حتي يوم رحيلك عن الدنيا ،، و ابنائك حولك ،، قل لهم لقد خذلتها ،،

ثم صمتت لفكره رحيله ،، هي ضعيفه من داخلها و تخاف عليه ،، تخاف من الهواء عليه ،،

"لكن الان انا لست كذلك" ،، تقولها بصوت عالي كمن يريد أقناع ذاته بشيء ،،

تذهب سريعا لغرفتها ،، بعد أن افسد التفكير بدايه يومها ،، و ترتمي في احضان سريرها ،، و تصرخ بكل قوتها و أقصاها ،،

خذلتني ولن اسامحك ،، خذلتني وو نقضت كل العهود ،،

وتبكي بحراره و تترك لمشاعرها المخفيه العنان للانطلاق و الخروج في هيئه دموع ،،


****



الثلاثاء، 6 سبتمبر 2011

الان تشعر انها تريد ان تجري بأقصي سرعه لها ،، و ترتمي في أحضان سريرها ،، و تستنشق عطرها من علي وسادتها حيث تدفن رأسها و تبكي ،، تبكي بكل ما اتويت من قوه و مراره ،،

هذا هو الشعور الذي يراودها طوال الوقت ،،،

لا تريد ان تتكلم مع احد ،، لا تريد أن تشتكي ،، كل شكواها تصبح كلام لا معني له في لحظه خروجه من فمها ،، لا احد يصغي ،، و لو صغي احدهم لا تتلقي غير كلمه ( معلش) ،، لا أحد يستيطع ان يتوغل في اعماقها و ينفض الغبار تماما كما تريد ،، لا احد يستطيع ان يفعل لها ما تريد ،،

لذلك ،، هي ليست علي ما يرام ،، و لن تكون علي ما يرام ابدا ،،،

نظرا ان حصل شيء غلط ف البلوج ،، فأخر بوست كتبته اتكتب تحت ،، لكن ادي اللينك بتاعه (( وحين يعود تشعر ان جزءا من روحها قاد عاد ليتئم في مكانه الطبيعي ))

الأحد، 28 أغسطس 2011



(( عندما تبدأ في معامله الكون بإخلاص ،، يفقد الكون أهتمامه بكـ ))

سحقا للدنيا ،، تترك الجميع يمرح ،، و تخنق الضعفاء اللطفاء

الخميس، 25 أغسطس 2011




-كلام عني من روني :))

اعرف انكي ستفرحين لذلك كتبت لكي .... اراكي عظيمة جداً وتضحكيني جداً .... بينا الكثير من العلاقات اولها رئيس ونائب ... واخرها اننا اخوة .... ظلي تضحكي هكذا فلن يفيدنا عكسه ....ظلي تضحكي لتظلي كما أنتي ... ظلي تضحكي لانك شكلك يجنن بالضحكة ..... ظلي كما أنتي توتا العظيمة التي احب ..... اهتمي بي جيداً فأنا مازلت لا اعرف كيف هي الحياة وكيف نواجها دائما بالضحك بعكس فتاة كبيرة مثلا (بالرغم انكي لا تفعلي دائما واحيانا تبكي ) ولكني اعرف انك قوية لتعيشي في هذا الزمن العصيب ... لذلك فأنا في خدمتك حتي تعلميني يا جلالة الملكة كيف اضحك واصير قوية مثلك انت


***
ارتباط
من مدونتها

رنيمـ حبيبتي الصغيره ،، دائما بدون مساعدتي ،، أشعر أنك تصعدين سلالم النضج وحدك ،، وحدك تدخلين السرور علي الجميع ،، وحدك تعطيني ثقه في نفسي و أرائي ،، معك أشعر أني عظيمه و اني (شيء) ،، لا تقلقي ابدا من الدنيا طالما من تحبي بجانبك ،، و اعلمي جيدا انه لا يوجد من يعلمك كيف تواجهي الحياه ،، لكن هناك من سيقف معك في مواجهتها ،، و سعيده سأكون أنا هذا الشخص ،، أو غيري سيفعل :) ،، أنا سعيده جدا أنك علي مشارف ان تكوني كاتبه وعظيمه :) ،، و سعيده جدا بهذا الكلام الرائع ،، أنتي ورده يا رنيم في زمن كل الناس أشواك :))) بحبك يا روني :)))

خاله للمره الاولي

مبدأ ده بوست علي الواقع مالوش اي لزمه ،،لاصحاب القلوب المتحجره و الغير مهتمين
أنما لمن دون ذلك هو مهم وجميل :)
****
يوم 25 /8
الساعه 4:27
عصرا ،،
عرفت أن صديقه عمري و رفيقه دربي الطويل التعيس
قد أنجبت و رزقها الله ولد جميل :)
لا تستطيع الكلمات ان توصفني وقتها
كان لدي مزيجا غريبا من المشاعر
سعيده جدا ،، متأثره جدا ،، خائفه جدا -لا اعرف من ماذا - مشتاقه جدا ان اذهب لها
متشوقه جدا ان اري الجنين ،، فخوره جدا أني خالته الروحيه :)))
،،،
أتفقت معها أن أذهب بعد الفطار
،،
طبعا لن أحكي لكم كيف مر الوقت حتي الفطار
شعرت كأنها 12 ساعه

او اكثر
ولأول مره الفطار بعييييييد 
وانتظره بأني ظلتت مسمره عيني علي الساعه :)
وأخيرا أذن الاذان ،،و أخيرا أكلت ،، وأخيرا وافق أبي أن يوصلني ،،
وأخيرا سأذهب :)
،،،
بعد الافطار ذهبت سريعا لاجهز
ومليون خاطره تدور في عقلي
يا الله ،،
وكأنه أمس يوم رأيتها
كنا صغيرات جدا ،،
تعرفنا قدراً في مدرسه واحده ،،
أرتحت لها أول يوم رايتها ،، لديها ضحكه حنونه تأسر قلوب العالم بأسره
-أنا أبتهال معاكي هنا في الفصل
-هي بأبتسامه ساحره: تشرفنا 
***
كأنه أمس يوم أفترقنا و نحن علي مشارف الثانويه العامه ،،
عامان من عمري لم أشعر أني مكتمله ،،
عامان من عمري كنت أسعد أنسانه ف الكون لكن ينقصني أهم شيء فيه ،،
عامان من عمري لا اعرف كيف عشتهم من دونها 


وكيف تحملت ذلك .
***
كأنه أمس بعد عامان من الفراق ،،
يوم حفله التخرج ،،
معي رقمها الجديد ،،
بعدها بأيام أرسل لها رساله تحتوي كلمات رقيقه مني ،،
تكلمني ،،
-لازم اشوفك !
-خلاص نتغدي بكره برا 
-جميل :)
***
كأنه أمس يوم رايتها بعد الفراق الطويل
6 سعات متواصله لم نصمت
حكت كل منا للاخري ما فاتها في عامان
- المنبه الي جبتهولي اتكسر يوم ما سبتك وبقاله سنتين مكسور  أبتهال ،، النهارده الصبح صلحته 
- :))))
***
كأنه أمس يوم اتصلت بي
- أتكتب كتابي
***
كأنه أمس
فرحها ،،
كأنه أمس
حملها

كأنه الامس صورتي معاها و هي علي وشك الولاده



***
لكنه اليوم ولدت ،،
اليوم حبيبتي أحن الناس ،، أم
اليوم صديقه الطفوله أم ،،
وياله من شعور :)
**
كل هذه الخواطر مرت سريعا عليا بينما أجهز
أنتهيت ،، هيا أبي
ولكن كعاده والدي الحبيب ،، هيا تقال الف مره قبل النزول
لا أستطيع الوقوف كثيرا ،، اريد أن أجري و أذهب لها
أريد أن اراها و هي أم ،،أريد أن اري طفلها ،، أريد أن أراهم الان
وبعد دقائق كثيره ،، مرت كدهر ،، أخيرا نحن في السياره ،،
لكن قبل الذهاب مرينا علي بائع الورد ،،
سأشتري لها ورود تذكرها بي :)
أخترت ورود حمراء و بيضاء ،،
صنع الرجل -البوكيه-
أخذته بسرعه من يده ،،
ذهبت قفزا للسياره ،،
الطريق طووووويل
لم الحظ طوله المبالغ من قبل
الدنيا زحام ،،
أبي يتحدث في هاتفه ،، السيارات تحبو
الطريق مازال طويلا ،،
اوووف ،،

اشعر كأن السياره تسير فوقي


وكأني انا اسير حامله السياره و نيران اشواقي تحتي



لا اتحمل،، أشواقي لهم تزيد ،،
أخيرا اري المشفي من بعيد أخيرا ،،
أبي يقف ،، أقفز خارج السياره ،،
أذهب للاستقبال ،،
في تكاسل و بطء يقول لي الموظف رقم الغرفه ،،
بنفس السرعه و اللهفه أذهب للمصعد ،،
لا يستجيب ،، لا يهم أصعد جريا علي السلالم
أبحث بلهفه عن غرفتها ،، أراها
أدخل ،،،،،
أري حبيبه قلبي و صديقه عمري مبتسمه في وهن ،،
-أتاخرتي ليه ؟
- معلش يا حببتي الدنيا زحمه اوي انا بقالي ساعه و نص ف الطريق 
تحكي و تتكلم عن ما مرت به طوال اليوم و كيف أنها لم تري الرضيع حتي هذه اللحظه ،،
ثم تدخل امها و زوجها و ( أدم )
لاول مره أراه ،،
صغيرا جدا ،، جميلا جدا ،، أحببته من اول نظره جدا جدا
بنفس السرعه التي أحببت فيها أمه ،،
أسرني الصغير هو الاخر ،،
تنظر له هي نظره لم أراها من قبل - طبيعي -
وأخذته في حضنها ،،
لتراه عن قرب ،،
في هذه اللحظه تحديدا ،،خذلتني نفسي ،،
خارت قوايا العاطفيه ،،
لم أتمالك نفسي ،،
بكيت كثيرا كثيرا ،،
كم هي مؤثره تلك اللحظه ،،
كم هو جميل هذا الكون عندما تسكنه الرحمه و المحبه ،،
كيف يمكن لطفل صغير ان يغير من حياه كل من هم أكبر منه حجما و سنا حوله ،،
وفي سرعه تمالك نفسي حتي لا اُفضح ،،
وبدأت في تصويره و النظر اليه ،،
يا الله يشبهها كثيرا ،،
عندي صوره لها و هي صغيره ،، نسخه طبق الاصل منه ،،
كم هو جميل و رائع ،، وأروع ما فيه انها أمه ،، و اني خالته الروحيه ,,
ظللت أنظر اليه طويلا ،،،
- هو ده بقي الي كان مغلبك 9 شهور ،، ده عبيط خالص :))
- هي تبتسم كأم و كصديقه :)
**
ينتهي الوقت سريعا و يأتي أبي و يجب أن ارحل ،،
أضطر ان أترك حبيبي (( أدم )) ووالدته حبيبتي ،،
وأنزل الي الشارع ،،
وفي هذه اللحظه أتمني ان احكي لكل الناس عنهم ،،
عن أدم و أمه ،، احكي لابي بعض التفاصيل و اريه الصور فيبتسم ،،
لازال بداخلي مشاعر فياضه ،،
أريد أن أطير،، أن أجري ،، أن أقفز ،،
أريد أن اقول للعالم كله
أنا خاااااااااااااااااااااااله
وخاله احلي طفل ف العالم
أبن احلي أمراه في العالم
،،،،
لازالت مشاعري -متلغبطه -
و أفتقد ( أدم ) جدا ،،
و حكيت هنا لانه حاليا الساحه لدي خاليه من البشر الذين تعودت ان اشاركهم مشاعري
فلا تعيروني انتباه ،،
د م ت م :)
بحبك يا أدم ^_^

السبت، 20 أغسطس 2011


لم يلتقيا منذ زمن ،، و حين التقته مصادفه ذلك اليوم الدافئ في مكانهما المفضل ،، لم تتمالك نفسها ،، لم تستطيع تركه يرحل مجددا هكذا ،،

دعته لتناول العشاء سويا كما كانا يفعلا مسبقا و دائما ،،

تكلما كثيرا ،،

حكي له عن بعض ما فاتها ،، حكت له بالمثل ،، لم تشعر بالارتياح هكذا منذ فتره ،،

شعرت انه دخل الي روحها و نفض عنها الغبار ،، شعرت بدفئه الذي تفتقده ،،

حاولت منع نفسها تكرارا من ان تبوح بكل ما داخلها ،، لو باحت لقالت له كم تشتاقه ،، كم أصبحت الدنيا خاليه الا منه ،،

هي لا تري أحد بعده ،، لا تسمع صوت أحد بعده ،، هي لا ترتاح بين ذراعي أحد غيره ،،

كيف تخبره انه يوم ودعها ،، كان تريخا فاصلا في حياتها ،، و وأنها منذ هذا اليوم يمر عليها الوقت كما يمر قطار فحم علي القضبان ،،

أنها تشعر بكل يوم ،، و كل 24 ساعه به ،، و كل 60 دقيقه في كل ساعه به ،، و كل 60 ثانيه في كل دقيقه في كل ساعه به !!

ولما لا ، الم ترحل روحها معه ؟؟ الم ترحل سعادتها معه ؟؟ الم ياخد كل شيء معه و تركها وحيده تعاني ف بعاده !!؟


لكن كبرياءها في تلك اللحظه لم يخذلها ،، لذلك تماسكت ،، أستمعت لكلامه الدافئ بنظره هادئه و لم تعلق ،، لم يدري ان وقتها كانت تتمني ان تنام بين ذراعيه و تبكي له بكل مراره و تشتكي له عما فعله الزمان فيها من بعده ،،

أفاقت من تخيلاتها علي صوته مودعا لها ،، و شاكرا لها قضاء هذا الوقت الممتع ،، أبتسمت من اعمق اعماق قلبها وهو يودعها و يذكرها علي عجل بشيء كان بينهم ،،

أبتسمت جدا ،، أفتقدته جدا ،،

وحين رحل وجدت نفسها تقول :
لا شيء يجيد أحتوائي ،، وسكب الراحه في نفسي كما تفعل انت :))


الأحد، 7 أغسطس 2011


but my life is for rent ،،، And i don't learn to buy

well i deserve nothing more than i get

Cause nothing i have is truly mine

الجمعة، 5 أغسطس 2011

- ما فائده النحيب اذا كان علي اطلال رحلت و لن تعود ،،...؟؟؟

-ما فائده الشكوي للمقربين اذا كنت لا تهمهم ،،.....؟؟؟

-مافائده ان تكون عصفورا صغيرا ترتمي في احضان ملاذك اذا كان ملاذك لا يعتبر نفسه ملاذ ،،....؟؟؟

-ما فائده أن تكون وديعا أذا كان البشر يدهسون كل ماهو وديع ،،...؟؟؟

-ما فائده الجري وراء السعاده اذا كانت السعاده لا تريدك ،،...؟؟؟

-مافائده الاهتمام اذا كان لاشخاص لا يبادلونك اياه ،،...؟؟؟

-مافائده الرثاء اذا كان في أشخاص قتلوك قبل أن يتخلصوا منك ،،...؟؟؟

-ما فائده الكلام اذا كان الكلام علي ماض ولي و انتهي ،،...؟؟

-ما فائده البكاء اذا كان لاي سبب غير تطهير العيون ،،....؟؟؟

-مافائده الابتسامه اذا كانت لأي سبب غير وجود من هم منبعها ،،...؟؟؟

-مافائده الندم اذا كان علي أشياء لا تندم علينا ،،....؟؟؟

-مافائده الحنان اذا جاء منهم و ليس منك ،،....؟؟؟

-مافائده الجمال اذا كانت العيون عاجزه عن رؤيته ،،....؟؟؟

-مافائده الصباح اذا لم نجد من يقول لنا فيه صباحك جميل ،،....؟؟؟

-مافائده الليل اذا لم نجد من يقول لنا فيه مساءك بخير ،،....؟؟؟

-مافائده النوم اذا لم نحلم بمن أشتاقت لهم قلوبنا ،،....؟؟؟

-ما الفائده من الحياه اذا لم يكن فيها من نتمني العيش معه ،،.....؟؟؟؟؟؟؟؟؟؟؟؟؟؟؟؟؟؟؟؟؟؟

الثلاثاء، 2 أغسطس 2011

some Quotes


- "كل ما حلمت به خذلنى
و كأن قدمى الصغيرتين مخلوقتان للانزلاق -سوزان عليوان -

***
"هل من عقاب
أقسى من الزمن ؟ -سوزان عليوان -

***
"أمد يدي عبر شبّاكي/ لعلّي أعثـر على قمــري / و .. أُلامس غياب يدِك" -سوزان عليوان -

***

" من بعثر ملامحي
دموعاً
على الرصيف ؟
من منا
خذل الآخر ؟ " -سوزان عليوان -

***

"في داخلي شُرْفَةٌ
لا يَمُرُّ بها أَحَدٌ للتَّحيَّة. - محمود درويش-

***

"لاشيئ يُثبت أني ميت
لاشيئ يُثبت أني حي - محمود درويش-

***
"تُنسى، كأنك لم تكن
شخصاً ، ولانصاً..وتُنسى - محمود درويش-

***

"أين كنت ذلك المساء
حين شاهدت آخر عود ثقاب في العالم
ينطفيء
وكنت وحدي؟" - غاده السمان -

***

"ليس في الوجود من يستحق ان أهبه فرحة الشماتة بهزيمتي .." - غاده السمان -

***
"لا تخف ، ستشرق الشمس غداً حتى و لو متنا و لم نصح مع الديكة !" -غاده السمان -

***
"و ستكبر الجراح ياسيدي .. و يزيد صمتي حتى تكبر أنت .. و تسمع النداء الأخرس المحموم .. و تفهم كيف تحب المرأة بطفولتها .." -غاده السمان -

***
عندما نموت ، لا يهم موتنا سوي الآخرين ".
بعضهم يغسل ،
بعضهم يصلي ،
بعضهم يبكي ،
بعضهم يواري ،
...بعضهم يتساءل عن التركة،
بعضهم يرثي ،
لكنهم كلهم يستعدون .. للنسيان ."
***
ليْـتَكَ مَعِــي ..
تُدَاوِي أَحْرُفِي..!!
********

الخميس، 7 يوليو 2011

سحر - الموجي

الاستاذه سحر الموجي ,,

اساسا انا مش بحبها من ساعه روايه نون ,, والتي لم اقراها بعد انما اتحكالي عنها ,,

انما طبعا و كحق من حقوق اي كاتب ,, محدش يقدر يلومها ,, ولو اتكلمت هيقولوا لك (( محدش ضربك علي ايديك عشان تقراي لها ))

وعندهم - نص - حق !!!

انما الي خلاني انفجر من الست دي ,, ما قد تم اصداره لها و نشره كقصه قصيره تدرس في احد الجامعات المصريه ,,

والتي تحتوي علي وصف مفصل لاحد المواضيع الي مش ظريفه والتي تعتبر خط احمر - او كانت - في مجتمعنا ,,

ليس هذا فقط انما ايضا قامت بمداخله علي الهاتف في احد القنوات معلله فعلتها الشنعاء بأسفه العلل ,,

ده بدل ما تقولي عندكوا حق لا بترد بملء الفم ,, صحيح ان لم تستحي فأفعل ما شئت

اسيبكوا مع الفيديو هو هيوضح الدنيا ,, ملحوظه لم اقرا القصه ,, ملحوظه تانيه هتتفقعوا انها ف الاول هتركز ع جزء تافهه جدا و هتسيب الحدث الرئيسي O.o

ملحوظه ابتهاليه اخيره : ربنا يبارك لاستاذ محمد الي بيحاورها راجل محترم جدا :)

الأحد، 3 يوليو 2011

رحلتي مع الاماني

كتير و احنا صغيرين اتسألنا من حد اكبر مننا "" ها بقي و ناويه تطلعي ايه اما تكبري ""


ولاني غير الناس كلها و دماغي متركبه غلط ,, فا انا مكانش عندي حلم من زمان و انا صغيره ,, و حتي اما كبرت ما حطتش حلم عشان اوصله ,, انما احلااااام ,,


بدأت احلامي مع التحاقي بالصف الاول الاعدادي ,, كنت عاوزه ابقي1- دكتوره اطفال عشان ادي الاطفال مصاصه و هما ماشيين من عندي ^_^


وبعدين وانا في تانيه اعدادي قلت ابقي 2- مدرسه اطفال كي جي عشان اربي الاطفال الصغيرين علي الاسلام ,,


وانا ف تالته اعدادي 3- كان عندنا قطه و ماتت بسبب جرح في رجلها ,, فا قررت ابقي 3- دكتور بيطري ,, عشان اعالج الحيوانات :))


بعدين دخلت اولي ثانوي ودرست الماني لاول مره ف حياتي و انبهرت جدا باللغه ,, فا قررت ادخل 4- ترجمه الماني

وبعدين دخلت تانيه ثانوي و حسيت ان اللماني صعب فا قررت ادخل 5- السن انجليزي ^^

بعد كده اخر مرحله بقي تالته ثانوي ,, درست علم نفس ,, و اتهبلت بجماله ,, 6- قررت ادخل علم نفس ,,


بعد كده جيه التنسيق ,,,, كليه حقــــــــوق عين شمس :D


وبعدين حولت و دخلت الجامعه الاميريكيه الاسلاميه :))


يعني كل احلامي راحت هباء و دمتمU_U


** لكن اقول كلمه حق ,, كليتي الحاليه هي اكتر كليه مناسبه ليا و لنظام حياتي


واكتر كليه فعلا بحبها جدا جدا جدا


والحمد لله مرتاحه فيها


ومن هذا نتعلم اننا مش عارفين الخير لينا فين وربنا وحده الي يعلم :)


وربنا بيحط كل واحد ف الي يليق معاه :)


حمد لله :)))))

السبت، 2 يوليو 2011

:(

الخميس، 30 يونيو 2011

from Letters to Juliet

'What' and ‘if’ two words as nonthreatening
as words come. But put
them together side-by-side and they
have the power to haunt you for the
rest of your life: ‘What if?'..."

"I don't know how your story ended.
But I know that if what you felt
then was love - true love - then
it's never too late. If it was true
then it why wouldn't it be true
now? You need only the courage to
follow your heart..."

"I don't know what a love like that
feels like... a love to leave loved
ones for, a love to cross oceans
for... but I'd like to believe if I
ever felt it. I'd have the courage
to seize it. I hope you had the
courage to seize it, Claire. And if
you didn't, I hope one day that you
will."

الاثنين، 27 يونيو 2011

Her feelings she hides.
Her dreams she can't find.
She's losing her mind.
She's fallen behind.
She can't find her place.
She's losing her faith.
She's fallen from grace.
She's all over the place

;;

Template by:
Free Blog Templates