الأحد، 1 مارس 2009
من كام يوم كده كنت قاعده و افتكرت موقف كان حصل ليا ايام المدرسه-ربنا يعدها ايام- في اولي ثانوي..اسمعوا ..
كان في اسبوع من الاسابيع كده في السنه دي كان بيبقا في بنات غايبين و بعد كده في المرواح القيهم لا وكمان لابسين لبس المدرسه..
قلت لالا اكيد في انه في الموضوع
.. بس عشان انا طول عمري في حالي فا قلت ماليش دعوه..
بعد كام يوم كده ابص الاقي المدرسه في حاله قلبان و المدرسات و البنات وفي حاجه كده مش طبيعيه..
المهم لقت لك ايه ان غالبا المدرسات اكتشوفوا عمله البنات دي.. بصراحه انا فرحت.. قلت كويس عشان محدش يعمل كده تاني-انا طيبه اه.. لكن الي يخالف ببقي شريره معاه- المهم.. البنات سمعوا كده من هنا و عرفوا ان المدرسات ((قفشوهم)) وطيران علي الفصل
و بدأوا يقولوا لنا..
لو اي ميس سألتكم فلانه وفلانه كانوا حاضرين هنا يوم التلات هتقولوا اه ماشي.؟؟
كل البنات.. ماشي..
قمت انا تقمصت دور نبويه موسي-مش اوي يعني- انما عملت نفسي الطاهره الشريفه.. و قلت لهم .. لا
فلانه و فلانه دول ماكانوش هنا يوم التلات
طبعا علامات الاستفزاز ظهرت علي وشهم.. وحسيت ان نابهم اليمين بيلمع كده و مش ناوين اني اروح غير و انا عندي خرمين في رقبتي..
جم قالوا لي..وانتي ايه عرفك هو انتي فاكره مين كان موجود و مين لاا؟؟
قلت في سري لا جامدين عرفوا يطلعوا منها.. لكن علي مين يا حبايبي.. انا طبعا فاكره عشان انا شفتهم و الموضوع رشق في دماغي..
قلت لهم..بصوا لو انتوا هتداروا عليهم عشان هما صحابكم فا انا مش هكذب عشان حد و لا هداري-مش بقول لكم نبويه موسي-
قامت واحده فيهم قالت لي .. طيب اعتبريهم زي فلانه صاحبتك .. و داري عليهم..
قلت لها بكل شجاعه و-دراما- .. انا لو فلانه دي غلطت انا اول واحده هكون مع العقاب و عمري ما هداري عليها في الغلط..
ياي انا اجنن..
المهم طبعا مشيوا بعد الجمله الاخيره و عمالين يفكروا يعملوا معايا ايه؟؟ و فجاه ابص الاقي بنت معديه جنب دسكي..وقامت راميه لي ورقه..
مكتوب فيها..(( تمسكي برايك احنا معاكي فلانه و فلانه..))
وانا وقعت م الضحك.. خلاص اتقلبت حرب و فيها فرقين..
حالا قمت متقمصه شخصيه سعد زغلول و الحركه الوطنيه للاطاحه بالفاسقين-حلوه اطاحه دي اوي-..
المهم اعدنا علي اعصابنا كده كتير.. لحد ما بدات اخاف و كدت اتراجع.. بس ضميري و برستيجي منعوني..
المهم اعدت اشجع نفسي و اجهز الكلام الي هاقوله..
بصي يا ميس البنات دول جم الصبح للمدرسه و بعد كده خرجوا و خدعوا اهاليهم..
لالالا دي مش جامده
بصي يا ميس.. البنات الفاسقات دول جم المدرسه.. لا فاسقات شديده اوي..
اعدت كده محتاره ..
المهم الموضوع عدي علي خير ولا جات ميس تسألني-يعني خسرت زمايلي علي الفاضي- و لا حاجه..
الميس اصلا كانت عارفه و تم استدعااء اولياء امورهم و فصلهم و الخ..))
واظرف حاجه في الموضوع ده.. انهم كانوا بيعيطوا في الفصل و اما بصيت لهم ابتسموا لي..
فا مافهمتش معني الابتسامه.. ياما اتجننوا.. يا اما ربنا مش هيخلي حد يكرهني طالما انا مبتغيه وجه في الي بعمله-صدقتوا اني نبويه موسي-
وطبعا انا ارجح الاختيار التاني ده..
وعلي فكره هما ناس كويسن جدا البنات دول ربنا يكرمهم وانا بحبهم جدا و الله.. ودي بس كانت حركات مراهقه متهوره.. انما هما في الاصل ناس 10 علي 10 ربنا يحميهم..
دمتم سالمين..
كان في اسبوع من الاسابيع كده في السنه دي كان بيبقا في بنات غايبين و بعد كده في المرواح القيهم لا وكمان لابسين لبس المدرسه..
قلت لالا اكيد في انه في الموضوع
.. بس عشان انا طول عمري في حالي فا قلت ماليش دعوه..بعد كام يوم كده ابص الاقي المدرسه في حاله قلبان و المدرسات و البنات وفي حاجه كده مش طبيعيه..
المهم لقت لك ايه ان غالبا المدرسات اكتشوفوا عمله البنات دي.. بصراحه انا فرحت.. قلت كويس عشان محدش يعمل كده تاني-انا طيبه اه.. لكن الي يخالف ببقي شريره معاه- المهم.. البنات سمعوا كده من هنا و عرفوا ان المدرسات ((قفشوهم)) وطيران علي الفصل
و بدأوا يقولوا لنا..
لو اي ميس سألتكم فلانه وفلانه كانوا حاضرين هنا يوم التلات هتقولوا اه ماشي.؟؟
كل البنات.. ماشي..
قمت انا تقمصت دور نبويه موسي-مش اوي يعني- انما عملت نفسي الطاهره الشريفه.. و قلت لهم .. لا
فلانه و فلانه دول ماكانوش هنا يوم التلات
طبعا علامات الاستفزاز ظهرت علي وشهم.. وحسيت ان نابهم اليمين بيلمع كده و مش ناوين اني اروح غير و انا عندي خرمين في رقبتي..
جم قالوا لي..وانتي ايه عرفك هو انتي فاكره مين كان موجود و مين لاا؟؟
قلت في سري لا جامدين عرفوا يطلعوا منها.. لكن علي مين يا حبايبي.. انا طبعا فاكره عشان انا شفتهم و الموضوع رشق في دماغي..
قلت لهم..بصوا لو انتوا هتداروا عليهم عشان هما صحابكم فا انا مش هكذب عشان حد و لا هداري-مش بقول لكم نبويه موسي-
قامت واحده فيهم قالت لي .. طيب اعتبريهم زي فلانه صاحبتك .. و داري عليهم..
قلت لها بكل شجاعه و-دراما- .. انا لو فلانه دي غلطت انا اول واحده هكون مع العقاب و عمري ما هداري عليها في الغلط..
ياي انا اجنن..
المهم طبعا مشيوا بعد الجمله الاخيره و عمالين يفكروا يعملوا معايا ايه؟؟ و فجاه ابص الاقي بنت معديه جنب دسكي..وقامت راميه لي ورقه..
مكتوب فيها..(( تمسكي برايك احنا معاكي فلانه و فلانه..))
وانا وقعت م الضحك.. خلاص اتقلبت حرب و فيها فرقين..
حالا قمت متقمصه شخصيه سعد زغلول و الحركه الوطنيه للاطاحه بالفاسقين-حلوه اطاحه دي اوي-..
المهم اعدنا علي اعصابنا كده كتير.. لحد ما بدات اخاف و كدت اتراجع.. بس ضميري و برستيجي منعوني..
المهم اعدت اشجع نفسي و اجهز الكلام الي هاقوله..
بصي يا ميس البنات دول جم الصبح للمدرسه و بعد كده خرجوا و خدعوا اهاليهم..
لالالا دي مش جامده
بصي يا ميس.. البنات الفاسقات دول جم المدرسه.. لا فاسقات شديده اوي..
اعدت كده محتاره ..
المهم الموضوع عدي علي خير ولا جات ميس تسألني-يعني خسرت زمايلي علي الفاضي- و لا حاجه..
الميس اصلا كانت عارفه و تم استدعااء اولياء امورهم و فصلهم و الخ..))
واظرف حاجه في الموضوع ده.. انهم كانوا بيعيطوا في الفصل و اما بصيت لهم ابتسموا لي..
فا مافهمتش معني الابتسامه.. ياما اتجننوا.. يا اما ربنا مش هيخلي حد يكرهني طالما انا مبتغيه وجه في الي بعمله-صدقتوا اني نبويه موسي-
وطبعا انا ارجح الاختيار التاني ده..
وعلي فكره هما ناس كويسن جدا البنات دول ربنا يكرمهم وانا بحبهم جدا و الله.. ودي بس كانت حركات مراهقه متهوره.. انما هما في الاصل ناس 10 علي 10 ربنا يحميهم..
دمتم سالمين..
9 Comments:
Subscribe to:
تعليقات الرسالة (Atom)
ايه يا بنتى الجمدان ده ..
انا بقى كان حاصلى موقف شبه ده بس كان مختلف شويه ..
انا اللى كمت تعبانه شويه ونفسى اروح بدرى انا وصاحبتى ولقينا فرصه ننفض للحصه الاخيره وروحنا ..
بس بقى حظينا اليوم ده بنات كتير نفضوا وروحواوالمديره طلبت اسمائنا كلنا وكانوا هيدونا فصل اسبوع واستدعاء اولياء امور بقى وكده ..
بس على مين طبعا عملت فيلم ولغيتلى انا وصاحبتى الفصل ..
بس بلاش تعرفى بقى هى اقتنعت ازاى علشان دى حكايه طويله ..
عجبتنى حكايه الورقه اللى اتحدفت دى
بتوزعوا منشورات فى السر
ههههههههههه
بس جدعه يا ثلوج والحمد لله ماحصلكيش حاجه
الواحد المفروض مش يكدب ولا يخالف ضميره علشان حد مهما كان لان المفروض اننا بنرضى ربنا مش البشر
بس سيبك انتى شكلك بتتقمصى الشخصيات على طول ههههههههههههههه
------
المهم ان المديره اقتنعت عشان بيبقي في مديرين شلل..:blink:
------
ههههههههه اه ما بقول لك انا مت م الضحك علي موضوع الورقه دي..
اه يا ستي الحمد لله خرجت سليمه.. :D
-----------
ههههههههههههه اه شفتي
مره نبويه موسي و مره سعد زغلول..
لا ما شفتنيش بقي و انا في دور قاضي محكمه العدل
ههههههههههههه
انا عملت فيلم لدرجه انهم قعدونى وكانوا عايزين يجيبوا حد من البيت ياخدنى واروح علشان متعبش وانا فى المدرسه لوحدى ..
بعشق الافلام الهندي الي بنضحك بيها علي المدرسين دي
هههههههههه