الثلاثاء، 29 مارس 2011


اعزائي العملاء مستخدمي خدمه ((Twiiter)) or ((blogger)او اي خدمه تتيح لك الكتابه ..

.. سوا من متصفح .. موتزيلا او انترنت اكسبلور .. او اخري .. ارجو ان تراعي بعض

النقاط - .. عزيزي العميل .. عزيزتي العميله ..

- 1- انه (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) (قّ:18) لذلك توخو الحذر فيما

تكتبونه و قبل ان تضغط اصابعك ع زر (( ENTER)) يجب ان تعلم ان . ما تكتبه

سوف تسجله الملائكه .. و السؤال المهم .. اين سوف تسجله .. يمينك .. شمالك .. ام

هو كلام مباح .. ليس له واجه .. 2- لا تنسي .. ان يداك التي - تجري- علي ازرار - الكي بورد - سوف تشهد عليك يوم القيامه .. و تتكلم و تقول علي كل كلمه - سيئه -

كتبتها .. وكل غلط ف شخص .. و تخيل بقي ..لو الغلط ف الدين او في ذات الله ماذا سوف تقول يداك ؟؟؟؟؟O_O

و عيناك الاتي تقرا الكلام قبل كتابته .. .. وعقلك الذي يفكر ف الكلام قبل الكتابه ..

لذلك .. اجعل اعضائك تشهد لك يوم القيامه ..

لا ان تشهد عليك ..

لان - الحياه مش مستهله ندخل النار عشان اي سبب

- 3- و اخيرا .. لا تنسي .. انه ربما من - كومنت - صغير .. قد تغير من حياه شخص اخر .. لذلك لا تبخل باي معلومه .. فأنت لا تعرف اي - كومنت- سوف تغير من الي اي و متي .. وان الدال علي الخير كفاعله ..

و ايضا توخي الحذر فيما تقول .. لربما غيرت حياه شخص للاسوء .. والدال علي الشر كفاعله

.. ... شكرا لاستخدامك .. adsl :D

وجزاكمـ الله خيرا .. =)

السبت، 26 مارس 2011

(U)(U)

لما الكلام الي بيجرحك .. بيجي من اقرب الناس اليك ..

بتبقي وحشه اوي ..

اوي ..

=(

الخميس، 24 مارس 2011

حزيـــــــــنه

وبعدما اغرقتني الاحلام .. وبعد ما أحرقت الكتب .. و بعد ما ذبل الوردة .. ودهسته الاقدام .. وبعدما جفت الدموع .. و تبخرت الاحلام ..

وبعد ماصار روحي بقايا انسان .. و بعد ما مات الكلام ..

اقول !!!

لمـ يبقي شيء ... =(



للاسف هضطر اغيب عن النت لمده لا تزيد عن اسبوعين .. نظرا لان امتحان - الفاينال - بتاع الجامعه يوم 4.4

و المنهج صعب صعب .. وملياااااااااان .. و النت بيضيع لي وقتي + اني مش بعرف انام من كتر التفكير ..

بكره هرد علي فلان و هشوف الفيديو كذا عشان ارد علي مش عارفه مين .. و مين ضايقني .. ومين هرد علي البلوج بتاعه .. و النوم بيطير من عيوني .. و بالتالي بصحي متاخر و ده بيأثر علي مستوي التحصيل عندي - حلوه الجمله دي :D -

و نظرا كمان لان ماما قررت انها هتاخد اللاب معاها و هي داخله تنام .. فا كده الدخول علي النت شبه مستحيل .. فا انا قلت تبقي جات مني و اقولها انا قررت اذاكر U_U

عشان كده .. اشوف وشكوا علي خير .. يوم 4.4 بأذن الله .. و ربنا يوفقنا كلنا .. =))

سلامـ عليكمـ ..

الثلاثاء، 22 مارس 2011


every new day i discover a new thing about
myself
!!

New post on my onther BloG

الاثنين، 21 مارس 2011

عاوزه اقول للاخت : امينه زكي الي طلعت علي اون تي في من شويه .. و اعدت تشهر بالمسلمين - الاخوان - قدام الناس ..

هل يا آنسه امينه لو كان مسيحي هو الي غلط في حقك كنتي عملتي كده ؟؟؟؟

((مع العلم اني اعلم الاجابه ))

..

حسبي الله و نعم الوكيل

السبت، 19 مارس 2011

عن السلفيين

نبذه عن تعريف السلفين - لمن لا يعلم -

*فإن الدعوة السلفية هي الدعوة إلى ما بعث الله به نبيه محمداً -عليه الصلاة والسلام- هي الدعوة إلى التمسك بالقرآن العظيم والسنة المطهرة، هذه هي الدعوة السلفية، الدعوة إلى السير على المنهج الذي درج عليه الرسول -صلى الله عليه وسلم- في مكة ثم المدينة من إبلاغ الدعوة إلى المسلمين وغيرهم، وتوجيه الناس إلى الخير وتعليمهم ما بعث الله به نبيه من توحيد الله والإخلاص له، والإيمان برسوله محمد -صلى الله عليه وسلم- وترك الإشراك بالله -عز وجل- والقيام بما أمر الله به ورسوله، وترك ما نهى الله عنه ورسوله، هذه الدعوة السلفية

المصدر >>>> هنــــــــــا

****

طيب جميل لحد هنا محدش عنده مشكله الا لو كان - ملحد - ودي مشكلته لوحده ..

الي عاوزه اتكلم عليه حاجتين مهمين جدا ف الوقت الحالي ..

1- ان اغلب الناس - المسلمين - نازلين شتيمه فيهم ..

2- خوف المسلمين منهم لو مسكوا الرئاسه ..

****

1- انا مش هتكلم علي انهم صح او غلط .. انما هتكلم انهم فئه مسلمه .. ممكن متشدده في نظر البعض .. ليهم مظهر التزامي يسميه البعض ايضا ارهاب .. سوا اللحيه او النقاب .. - الجميل -

انا هتكلم علي ان كل الناس الي شتمت فيهم .. هما الطبقه الي بتنادي بالحريات .. هما الطبقه الي فيهم ناس من مطالبهم ان الخمور و الكباريهات - عذرا - تنتشر ف البلد ..

هما الطبقه الي علي البلاج اما حد بيلبس مايو بيبقي عادي ..

ومع ذلك نيجي عليهم لو هما غلط - في نظر الجهل طبعا - هما حرين ..

يا سيدي زي ما في حريه المايو ليه تزعل من المنتقبه ؟؟

ليه اماكن الفجور عادي .. و المساجد و الدروس بتخاف منها ..

الي مزعلني جدا .. انهم مسلمين .. والله مسلمين الي معترضين مسلمين ..

يعني في واحده عندي علي التويتر . بتقولي بالنص :

"مش هانكون سعودية..مش هانكون إيران..مش هانجلد بنات في شارع زي الخرطوم..مصر غير حتى لو أعمى..مش هاتكون دولة بتكشيرة وكرباج مهما عملتوا"

ده الي واصل لمعظم الناس .. انا مش عارفه مين الي وصل لهم كده .. و هل مثلا مره صدر من الاخوان راي او تصرف مماثل .. - يمكن حصل و انا معرفش -

الي بس عاوزه اقوله .. لو فعلا السلفين زي ما مكتوب ف التعريف الي فوق ده .. يعني هما اقرب تصرفا للصحابه ..

يبقي استحاله ده هيبقي تصرفهم ..

حضراتكوا الرسول - صلي الله عليه و سلم -

اما دخل مكه و طول حياته مش ف الموقف ده بس .. عمره ما كان بيفرض الاسلام علي حد .. فما بالك علي المسلمين ..

انا اعتقد ان السلفين - لو مسكوا حكم - و انا معتقدش انهم هيوافقوا اصلا .. اعتقد ان عمر ما هتبقي الدنيا بالشكل الي البعض متخيله ده ..

وانا حزينه جدا جدا اما يكون ده تفكيرنا ف عصر الانفتاح و العلم ...

ولا عــــــزاء =(


طبعا بما اني بحكي كل تجاربي في الحياه علي البلوج الظريف المتواضع ده .. قلت لازم احكي تجربتي السياسيه الفريده من نوعها - بالنسبه لي -

عشان اما احفادي يقرواها .. يقولوا عظيمه يا انه :D

المهم ..

صحيت الساعه 8 ..كنت عاوزه انزل بدري قبل الزحمه .. قلت يعني اكيد يوم اجازه و الاستفتاء علي مدار اليوم .. اكيد الصبح بدري هيبقي فاضي - i was wrong -

المهم عقبال ما صحيت ماما و بابا و نزلنا كنا عند اللجنه الساعه 9 و نص بالزبط !!

لقينا ما شاء الله طابور طويييييييييل رجاله . و طابور يقل عنه شويه بس برضه طويل بنات :)

طابور الرجاله كان اغلبه شباب .. و طابور الستات برضه كان اغلبه شبات ^^

المهم وقفنا انا و ماما الدنيا كانت حر ولعه .. و الشمس عاموديه علي دماغنا .. ومع ذلك كل شويه ماما تبص لي وتقولي انا فرحانه اوي ..

والستات الي ورايا كانوا عمالين يتعرفوا .. فكرني بأيام التحرير - قبل التنحي - اما كل الناس كانت بتتكلم كانهم صحاب :)

المهم الطابور الحقيقه مكانش بطئ الناس كانت بتنجز الحمد لله .. شويه لقينا نفسما الشرطي الي واقف بيقولنا اتفضلوا ..

دخلنا وطلعنا علي اللجنه .. طبعا انا بطيخه و لا فاهمه اي حاجه .. اول مره ليا بقي :)

المهم دخلت لقيت ناس زوق جدا جدا ..- فكرني برضه بأيام ميدان التحرير - كانوا بيتعاملوا معايا براحه و بتفاهم .. رغم اني كذا مره كنت هعمل غلطه شنيعه ..

اعتقد انهم كانوا مراعين اني ممكن دي تكون اول مره ليا ..

و بعد كده الراجل اداني الورقه و قالي تعملي صح هنا .. و براحتك و علي مهلك و حسسني اني ف امتحان ثانويه عامه ..

بعد كده جيه بقي موضوع الحبر .. اتزكيت بقي انا ف الموضوع ده قلت احط صباع غير الابهام عشان تبقي مساحته قليله ..

فا حطيت صباعي السبابه ف ايدي اليمين .. الراجل قالي : لا حضرتك الايد الشمال ..

قمت حاطه السبابه بتاعت الشمال .. قالي : معلش حضرتك بس لازم الابهام !!

بعد ما نص ايدي بقت حبر :@

المهم طلعت بقي بسرعه عشان الناس الي واقفين تحت يطلعوا ..

بس .. و هذه كانت بكل اختصار تجربتي .. - او يعني هي كانت قصيره -

بس عندي شويه تعليقات كده .. اولا احنا هنرضي بالنتيجه .. و كلنا بنقول كده بس انا متأكده ان ناس كتير جدا جدا هتنقلب لو جات النتائج مخيبه لامالها ..

و كمان لو الجيش فعلا متواطئ - وده احتمال 90% - و العشره ف الميه التانيه دي عشان ما اكونش ظلمتهم بس !!

يبقي لا او نعم احنا مش هنعمل فرق ..

و زي ما مبارك كان عاوز يعد 6 شهور يلم حاجته .. اراهن ان طنطاوي هيقعدنا الست شهور دي برضه .. و التعديلات ماهي الا شكليات لالهائنا عن احداث اكبر خطوره تحدث ..

ربما انا بقول مش حقيقي .. و ربما كلامي صح .. وده الي هنعرفه ف الايام و الشهور المقبله ..

لكن الي علينا دلوقتي هو اننا ما يضحكش علينا .. وكل واحد ياخد اي كلام يسمعه و يعيده تاني جواه ف مخه و يقرر هو .. عشا احنا ف مرحله يا هتضيع كل حاجه .. يا هناخد كل حاجه .. مافيش وسط ..

بس!!

=)





الجمعة، 18 مارس 2011


هقتــــل ضــــــميري

هقتـــل ضـميري

هقتل ضميري

هقتله

..

kill.gif

الخميس، 17 مارس 2011


كَـ‘ـمْ هُــ‘ـوَ جَـ‘ـميلٌ عٍـ‘ـنْدَما تـَ‘ـكْتُبْ كَـ‘ـلِمات يـَ‘ـراهـا الـ‘ـبَعـضْ جـ‘ـَميلَـ‘ــه
. .
وَ يـ‘َـراهـا الـ‘َـبعـضْ مـ‘ُـعَبّـرْهَ.. وَ يـ‘َـراهــا آخَرونْ بـ‘ِـلا مـ‘َـعْنـى
. .
لـ‘َـكٍـنّكَ أنـ‘ْـتَ الـ‘ـوَحيـْد الـ‘ّـذي تــ‘ـَعلـَـمْ عـ‘ِـندَمــا تـ‘َـكْتبهــا مـ‘ـاذا يوجــ‘َـد وراء
.
.
.
.
" كَواليــسِها "

الأربعاء، 16 مارس 2011

شفت جمله ضايقتني اوي و انا بذاكر السيره .. الجمله بتقول :"لم يستطع ابن سلول ان يخرج المسلمين بالقوه ..لذلك حاول ان يوقع بينهم لكنه لم يفلح ايضا "

القصه انه كان لسه مشرك و حاول يوقع بين المسلمين لكنه فشل .. في وقت اصلا كان بالنسبه لهم فتنه .. يعني صعب اوي ناس عايشه من زمان علي دين و علي عادات معينه و فجأه يجي حد يغير كل الكلام ده و يقول عكسه .. ده المفروض يخليك تحس بالغدر من كل الي حواليك ..

ومع ذلك فشلت الفتنه بينهم..

وده الي مزعلني - مش مزعلني ان الفتنه فشلت بينهم اكيد - انما مزعلني اننا دلوقتي بعد 1400 سنه وشويه من الهجره و من البعثه النبويه .. والي المفروض نبقي اقوي ..عشان بقي عندنا وعي .. و حضاره .. وقرينا قصص السابقين الاف المرات .. و شفنا فيها العبر ..ومع ذلك .. ممكن اي حاجه تفتنا ف دينا ..ولا اقصد بينا و بين النصاري .. لا .. اقصد بينا و بين بعض في دينا ..

للاسف احنا بقينا مذبذبين جدا .. و بقينا نفصل اي حاجه عن الدين .. الواحد زمان كان يتمني ان يموت و الاسلام يعيش دلوقتي بقي الواحد ما يرهقش نفسه حتي يسكت عشان مايحصلش فتنه ف الاسلام ..

عشان كده بقينا - وهنظل - و عذرا علي التعبير - تحت اقدام الامريكان و اليهود - .. عشان احنا من جوانا مجتمع مهلهل ..

ولا عزاء فينا .. =((

الثلاثاء، 15 مارس 2011

كيف تدخلين الجنه بخطوات سهله و بسيطه ..

عزيزتي الفتاه .. مبدأيا ابدأي يومك بالصلاه

اصحي صلي صلاه الصبح عادي لو فاتك الفجر لسه وقتها لحد قبل الظهر بخمس دقايق ..

وبعد كده البسي بنطلون و كل الي انتي عاوزااه .. لكن ارجوكي - عزيزتي الفتاه - البسي -ايشارب- عشان دينك ..

وانزلي روحي النادي اعدي مع شباب .. مادام قدام الناس و هو زي اخوكي .. و انتوا بتتكلموا ف كلام عادي و محترم .. عادي جدا ..

لكن ما تنسيش لما الظهر يأذن تقولي لهم be right back gUys

وتروحي تصلي ..

او ممكن تستني اما العصر يأذن و تعملوا جماعه و تجمعوا الصلوات .. الدين يسر يا حببتي ..

والتعاون علي البر و التقوي مطلوب برضه ..

ماتنسيش ف طريقك للبيت لما تعدي علي شاب تبتسمي - تبسمك في وجه اخيكي صدقه - و الصدقه مطلوبه ..
ممكن كمان تشتري هديه لشاب و تديها له ..مش تهادوا تحابوا برضه؟


وبعدين بليل اما ترجعي .. قولي قبل النوم - مع اذكار النوم طبعا - .. استغفر الله العظيم .. احتياطي يعني عشان لو - بعد الشر- عملتي حاجه

حرام ربنا يغفرك .. ده ربنا رحمته واسعه ..

وطبعا مافيش اي مانع من انك تدخلي البلكونه من غير حجاب - عذرا - قصدي ايشارب .. ده البلكونه دي حته من البيت عادي يعني .. بلاش تشدد ..

الاغاني .. حلال حلال .. فيها ادخال السرور علي قلب المسلم وده برضه مطلوب جدا


كده انتي مؤهله لدخول الجنه من غير حساب .. اطمني ..

و ادعي لي ..

*****

ده كده مزاح علي الماشي .. ليس قصده الاستهانه بالدين نهائي طبعا .. انما الاستهانه بعقول الناس الي واخده الدين زي سوري يعني - كيس اوطه - ينقوا منه الي عاجبهم و يسيبوا الباقي ..


الاثنين، 14 مارس 2011


I couldn't tell you why she felt that way,

She felt it everyday.

And I couldn't help her

I just watched her make the same mistakes again
.

الأحد، 13 مارس 2011

ارجو قراءته

مهم جدا


ده عشان كل الي عمال يشتم في محمد حسان و ينتقده .. بشكل مروع يدمي القلب حزنا علي ابناء الامه الاسلاميه .. =(


وكمان حاجه الي بيكره محمد حان او اي اي شيخ ..

يقول ف صلاه الفجر ف السجود ..


(( اللهم لا تحشرني معه ))

عشان انت من حقك تحشر مع حبايبك ..

الجمعة، 11 مارس 2011

menii post :D

الجوهر الحقيقي للتويتر .. هو انك بتحب ناس و بتحترمهم .. من غير ما تعرف عنهم اي حاجه و لا حتي شكلهم ولا سنهم و لا اي حاجه .. كل الي تعرفه عنهم انهم بيتكلموا مصري .. و وجه نظرهم عن الدستور :))

بس !!

الاثنين، 7 مارس 2011

twitter =)

اول مره دخلت علي السيت ده .. ف اخر اجازه الصيف الي فات .. وكان عشان انتمتي كانت عامله عليه .. وعجبتني فكرته ..

و اول ما دخلت عليه كانت انتمتي الوحيده العربيه الي عندي كل الباقي كانوا اجانب و كنا علي طول انا - و انتمتي - بنكتب حاجات انجلش و نعمل ريتويت علي حاجات الاجانب و ماكنتش بعمل كده عشان عقده الخواجه -زي ما بيسميها البعض - انما عشان انا ماكونتش اعرف ان التويتر ليه غرض تاني غير ده ..

وكان ف الاول القعاد علي التويتر مش اساسي كل فين و فين بدخل عليه ..

بعد فتره نصحت بنات خالتي بيه .. و كده بقي عندي تلات مصريات عليه ..

وبعدين بدات الاقي ناس مصريين كتير .. بدأت اعمل فلو .. و بدات اكتب عربي عليه .. و بدأت اعمل -ان فلو - للاجانب ..

وبدأ يوسع النطاق .. لحد قبل الثوره بشهر كده كان كل الي عندي مصريين ..

لحد ما في يوم .. كان في مظاهره ما .. وكان في ولد عندي علي التويتر تحت ف المظاهره دي


وبدأ يكتب الاحداث لايف .. سعتها كان اول مره احس اني مع تحت ف مكان و انا ف الحقيقه قاعده ف البيت ..

بدأ اتحمس و احس بأحساس الولد ده .. وكاني معاهم .. وكان بيكتب انه اتفق مع صحابه الي يتمسك يقفل موبيله ..

ولما كتب فلان اتقفل موبيله .. اعد اعيط .. مع اني معرفش اي حد فيهم .. لكن من كتر احساسي اني معاهم ..

من يومها حسيت ان التويتر ده مهم جدا جدا .. وجميل كمان .. ..وبدأت احس بالمعني الحقيقي للتويتر

وبعدين جت احداث ثوره تونس .. ولقيت تفاعل رهيب من المصريين معاهم .. بدأت اتابع ..

و اتحمس و ادلي بأرائي كمان ..

وبعدها بدأ الكلام عن ثوره ف مصر يوم 25 .. ف الاول عارضت و قلت اكيد هتفشل عادي يعني زيها زي كل المظاهرات الي قبل كده

ناس هتنزل .. هيضربوهم .. و يعتقلوهم .. و بعدين يفرقوهم .. وخلاص !!

المهم جيه اليوم الموعود .. و انا محطش الموضوع ف بالي اصلا .. و رحت عند خالتي .. و مامتي اتصلت بيا قالت انها

مالقتش حد ف الشارع .. قلت لها شوفتي اي كلام ..

بعد الساعه 2 .. وده الزمن الي كان محدد للمظاهره و انا معرفش .. سمعنا ان الناس اتجمعت ف كذا مكان ..

سعتها فتحت التويتر و بدأت اتابع الناس و الضرب و كل الي بيحصل ..

وكانت بالنسبه لي لحظات جديده عليا جدا جدا .. و محمسه جدا :)

و توالت المتابعه - حتي يومنا هذا-

و ادركت ان التويتر ده موقع مهم جدا جدا ..- و بقيت بفتحه اول حاجه علي النت و قبل كل حاجه -

انا عشت كل تفاصيل الثوره من بيتي .. طبعا ده ما منعنيش اني انزل طبعا .. انما اللحظات الي بابايا العزيز منعني انزل فيها كنت بالفعل هناك من خلال التويتر ..

و بعدين اكتشفت حاجه مهمه جدا .. اظن ان اغلب الناس اكتشفوها .. هي ان فعلا اغلب الناس المحترمين .. الناس الجدعه .. الناس الي ارائها اغلبها صائب و فاهمين هما بيعلموا ايه .. كلهم علي التويتر .. لدرجه اني قلت انا اتظلمت كل سنين حياتي .. اني معملتش اكونت عليه من زمان ..

طبعا بقي هنغض البصر علي ان التويتر بعد ما اتشهر ف التلفزيون نص المصريين عملوا عليه .. مع جهلهم باستخدامه .. ده انا اخويا الصغير - 10 سنين - عمل عليه :D

و هنغض البصر علي اني اكتشفت او يعني اتصدمت ان في بنات كتييييييير جدا جدا .. بيشتموا شتايم والله الواحد بيتضايق اما بيسمعها ف الشارع .. ومش بنبقي كمان فاهمين معناها .. و عادي هما يشتموها عادي جدا

و كمان علي الناس الي بتبقي داخله تتشات او تتعارف .. ده مره واحد بعت لي ممكن نتعرف يا حلو .. :D

وشكله من ايام سعد زغلول اصلا .. :D

المهم المحصله .. اني بشكر الراجل صاحب فكره التويتر .. و بشكر انتمتي الي الهمتني اسجل فيه .. و بحيي كل الشباب الي عندي علي التويتر .. وبحيي مجهوداتهم .. و بناشد اي حد بيشتم يبطل عشان انت/ي ممكن تعبر عن وجه نظرك بكل احترام و توصل لنا برضه و نحسها ..

وبناشد اي حد داخل يتعرف ممكن يدخل علي اي سيت تاني و يسيب لنا التويتر نضيف :)

بس!!






:(




Her feelingd she hides

Her dreams she can't find.

She's losing her mind.

She's fallen behind.

She can't find her place.

She's losing her faith.

She's fallen from grace.

She's all over the place.

She's lost inside, lost inside...

الثلاثاء، 1 مارس 2011


سوف تكتشف أن الحياه سرقتنا من انفسنا ..

سرقت اعمارنا ..
واننا نجري بلا هدف ..

ولكن نتوهم اهدافا لا وجود لها ..

ومع ذلك يجب أن نعيش ..

وان يكون لنا نصيب من كل شيء ..

فاذا لم نفعل .. لن يتطوع احد فيقدم لنا .. الماء و الهواء والنوم و المقعد والسرير ..

لأن الناس - صدقني- علي استعداد دائما أن يحسبوا الهواء من انفك ..

واللقمه من فمك .. والنوم من عينيك ..

وبعد ذلك يتزاحمون في جنازتك .. سعداء بالايام الحلوه .. التي سوف يعيشونها من

بعدك

****
حته من نفس الكتاب الي فات

=(

وأنت عندما تختار نفسك عدوا لك .. فأنت قد اخترت أسوأ الاعداء ..

لأنه يسكن تحت جلدك و لا يفارك ..

لا ليلا و لا نهارا ..

انه وجع القلب .. وصداع الراس ..

والحيره بين الشواطئ و الوديان ..

بين الذئاب والحملان .. ولابد ان تمضي .. فما الحل ؟!!

***
جته من كتاب مش فاكره اسمه

=(


;;

Template by:
Free Blog Templates