الأربعاء، 23 ديسمبر 2009

تاج

عشان افرفش المدونه شويه .. لقيت تاج جميل في المدونه دي اقاصيص

فا قلت اسرقه :D

واجاوب عليه .. وبعدين اهديه للعيال الي عندي ..

****


-اسمك واسم مدونتك؟

اسمي علي المدونه هنا (( الثلوج الدافئه)) .. اسم مدونتي الحبيبه ((داخل دهاليز عقلي))

****
-احب الالوان؟ الايام؟ الارقام؟

الالوان: الاسود .. الموف ..
الايام: الخميس .. والاربعاء ..
الارقام: 10 ..

****
-برجك وتاريخ ميلادك؟

برجي : الحوت ..

تاريخ ميلادي : 10-3-1991

****

-اهم مميزاتك؟ واهم عيوبك؟ وماهى الصفه التى تتمنى ان تتوفر فيك؟

في الحقيقه مش هذكر مميزاتي .. عشان اكيد الصفات الي انا شيفاها ميزه فيا ممكن تبقي عند حد تاني عيوب .. و كمان المغرور بس الي بيذكر مميزات نفسه ..
وعيوبي مش هقولها .. عشان هي ممكن تبقي مش باينه للناس و اما انا اذكرها هنا الناس تاخد بالها

((طب علي ايه )) :D

اما عن الصفه الي نفسي تبقي فيا .. هي ((الصبر .. والاصرار))

****
-ماهو مكانك المفضل؟

اي مكان في ناس بتريحني ..

****

-ايه هى هوايتك المفضله؟

النت و القراءه ..

****
-ما المقوله اللى تؤمن بها؟


((ما ٌبني علي باطل فهو باطل ))

{ إِنَّكَ لاَ تَهْدِي مَنْ أَحْبَبْتَ وَلَكِنَّ اللهَ يَهْدِى مَنْ يَشَاء وَهُوَ أَعْلَمُ باِلْمهتَدِين}

****

-اجمل هديه قدمت لك من مين؟

اجمل هديه بجد ((الاسلام)) .. ومن ربنا ..

****

-اسعد يوم فى حياتك؟ واتعس يوم فى حياتك؟

اسعد يوم : يوم البروم بتاعي ..ويوم ما رجعت لاعز صحابي تاني ..

اتعس يوم : يوم التحاقي بالكليه .. ويوم وفاه جدتي .. ويوم (( 27-7-2008))

****

-موقف طريف لا ينسى من ذاكرتك؟

كل مواقف ثانوي و اعدادي .. اصل انا و صحابي ناس ضايعه اصلا (( lol))

****

-معاك ثلاث وردات لمين تهديهم ؟

اول ورده : ليا و فوقها بوسه وطبطبه كمان علي ظهري ..

تاني ورده : امي و ابي ..

تالت ورده : لكل الي حبني بجد وريحني ..

****

-معاك ثلاث رصاصات على من تطلقهم؟

اولها : كل اعداء الدين حتي لو من المسلمين ..

تانيها: كل الي سبب لي الم في حياتي ..

ثالتها: لصحابي..

****

-ايه رايك فى الحب؟ ولمن تقول اجمل كلمه حب؟

الحب محرك اساسي للحياه .. ومش شرط الحب العاطفي طبعا ..

اجمل كلمه حب اقلها لامي عشان هي صابره عليا و انا حد مزعج اصلا :D
****

-هل من السهل ان تمثل الحب لشخص يحبك لعدم جرح مشاعره؟

لا طبعا .. لاني كده هزود الجرح .. انا اقوله الحقيقه م الاول و خلاص .. بدل العذاب

****
-ماهو اسعد خبر سمعته هذا العام؟ وماهو اتعس خبر؟

لا ما سمعتش خبر سعيد من 2009 .. انما سمعت اخبار تعيسه كتيييير ..

****

-لمن تهدى التاج؟

تعبت بجد .. صدقتي الجديده ع البلوج

My HeaRt is NOT 4 SALE.. حببتي هنده ..


مبتسمه دائما .. بنت خالتي حببتي .. روني

ورود الصداقه .. اختي حببتي الصغيره .. تقي

الثلاثاء، 8 ديسمبر 2009

يوم اظلمت سمائي..!


هو يوم انتقلت جدتي الي رحمه الله يوم ((5/12/2009 ))

الموقف ده كان فاصل في حياتي .. غير حاجات كتير اوي .. وعرفني حاجات كتير اوي .. وعلمني حاجات كتير ..

مبدأيا .. غيرت فكرتي عن ناس كتير اوي .. او بمعني اصح انا غيرت فكرتي عن كل الناس الي حواليا ..

يعني كل واحد كنت متوقعه منه رد فعل لقيت رد فعل مختلف .. معادا انتيماتي الاتنين .. كنت عارفه انه ده هيبقي رد فعلهم ..

انما حقيقا انا مصدومه ف رد فعل ناس كتير .. ومبسوطه من رد فعل ناس تانيه ..

من غير ذكر اسماء ..

كل البنات المقربات ليا .. طلعوا زباله .. و رد فعلهم صدمني حتي كدت الحق بجدتي ((رحمها الله))

وناس تانيه بعاد عني .. لقيت انهم اهتموا جدا ..

وناس بعت لهم جدتي ماتت .. والمفروض انهم من المقربين .. واذا بي افاجأ ان حتي ولا اتصال ولا مسج تعزيه ..

وللاسف انا شلت الموقف لوحدي .. عشان المقربات مشغولات يا حرام ..

اتعلمت من موت حببتي .. ان الواحد مش هيعشق حاجه الا اما يفقدها ..

وان المواقف دي هي الي بتبين معادن الناس الي حواليا ..

عشان كده انا عارفه ان موتها هيغير الكون من حواليا .. ومش شرط وحش ..

لان في ناس كتير غيرت فكرتي عنهم و بقيت بحبهم و بحترمهم اكتر م الاول ..

وناس خلاص وقعوا من نظري وقعه جامده ..

...

الخلاصه .. ان اليوم ده نقطه تحول ف حياتي .. هعاني منها فتره لحد ما اخد عليها ..


...

رحمك الله جدتي الحبيبه .. و ادخلك الجنه .. وغفر لكي ذنبك ..

الثلاثاء، 17 نوفمبر 2009

مبروك ..

علي قد ما كان جميل اوي لحظه الفوز ... وعلي قد ماكان جميل شكل الناس وهما بيحتفلوا ف الشارع ..

الا اني زعلت اوي ان الحاجه الوحيده الي تربط الشعب المصري كله .. تكون فوز منتخب في كوره ..dry.gif

والي يغيظ اكتر .. اما الكل يبقي مقتنع باهميه الماتش .. blink.gif

واما تناقش حد يقولك ((يا بنتي احنا هناخد حقنا من الجزائريين بالفوز))

يا سلام .. يعني انتي هتاخدي حقك انك تفوزي؟؟؟ ده بدل اما نصلح كل الي بايظ ف البلد لا نلعب ماتش و كده اخدنا حقنا

يعني خلاص كده بقينا شعب متطور بعد ما كسبنا؟؟؟

الاضرار الي وقعت علينا او علي غيرنا من الماتش كانت اكتر من فوائده- ده علي افتراض ان ليه فوائد-

يعني اما ناس تضرب بعض عشان كوره يبقي ده -سوري- تخلف عقلي .. لا ينم علي ناس متعلمه اطلاقا ..

اما ناس تموت بسكتات قلبيه عشان ماتش .. يبقي ده .. والله مافيش كلمه توصفهwacko.gif

واما ... مصالح تقف عشان اصحابها بيتفرجوا علي الماتش .. او عاملين حداد عشان الخساره ..



و الي محيرني في الموضوع .. ان بيقولوا المصريين في ازمه اقتصاديه .. ومشاء الله كل الكافيهات و النوادي و الاستاد كانوا كومبليت

طيب فين الازمه يعني؟؟؟؟؟unsure.gif

ولا احنا شعب فقير لكن ممكن يصرف في الرفاهيات ؟؟؟

((ابقوا خلوا الحكومه تحدد بعد كده ))

بصوا جميل اننا نفرح .. وجميل اننا نحب الكوره .. لكن مش بالافوره دي .. المفروض نتعلم ازاي ندي كل حاجه حقها ..

يعني ممكن نشجع لكن لو التشجيع جلب لنا اي اضرار يبقي بلاش منه ..



لو كل حاجه في البلد واخده حقها زي التشجيع كنا هنبقي بلد جميله

....

ملحوظه: انا مش بنتقد و انا المعصومه يعني .. انا برضه اتفرجت من البلكونه علي الناس و هما بيزيطوا و صورتهم كمانsleep.gif

biggrin.gif

الأحد، 18 أكتوبر 2009

المخ


كان عندي دايما سؤال بيجي علي طول في بالي .. يا تري هو المخ هو الي فيه كل حاجه عننا ..؟؟

بمعني .. ان انا عارفه ان المخ هو المحرك لكل اعضاء جسمنا .. يعني مافيش عضو بيتحرك من غير اما المخ هو الي يبعت له الاشاره ..

لكن هل لو انا مخي اتبدل مع مخ حد تاني .. هبقي انا الحد التاني ده؟؟

الي خلاني اسأل السؤال ده ان في فيلم اللمبي لما مخ اللمبي اتبدل مع مخ الشرطي .. بقي هو الشرطي .. يعني جسم اللمبي لكن مخ الشرطي ..

هل ده عشان هو فيلم و اي حوار ولا دي فعلا الحقيقه؟؟؟؟؟؟

يعني انا لو مخي اتبدل مع مخ زويل هل هبقي عالمه .. ولا هفضل زي ما انا كده؟؟

بجد الي يعرف يقولي عشان نفسي اعرف ..


الجمعة، 9 أكتوبر 2009

knowing

استوقفتني اوي اخر حته في فيلم(( knowing)) بجد كانت حته رائعه ..

خلتني اخد بالي ان في حاجات كتير من النعم الي ربنا انعم بيها علينا .. عمرنا ما شكرنا ربنا عليها ..او حتي اخدنا بالنا منها ..

عمرنا ما شكرنا ربنا علي نعمه بعد الشمس عننا .. !!

كلنا عارفين و حافظين من زمان .. وكانوا ديما يقولوا لنا الكلام ده .. ان ربنا بعد الشمس عننا بقدر ..

بحيث مش بعيده البع الي يجمدنا و لا قريبه القرب الي يحرقنا .. ومع ذلك عمرنا ما شكرنا ربنا ع النعمه دي .. عشان كده اما شفت الفلم ده

افتكرت النعمه دي .. فعلا مشهد في منتهي الروعه
لانه جسد لنا المشكله الي ممكن فعلا تحصل لو الشمس قربت مننا شويه .. كنا اتبهدلنا ..وفعلا كانت الحياه اتمحت من علي الكوكب .. واعني اتمحت بالمعني الحرفي لها ..

علي العموم كفايه رغي اسيبكوا مع الفيديو ..
بس امانه كل واحد يشوفه يحمد ربنا علي

النعمه دي اوي و من قلبه ..


الفيديو من هنا




الأحد، 4 أكتوبر 2009

tea party


دي تاني حفله شاي ليا ..اول حفله شاي كانت مع بنات خالتي واختي .. وكانت احلي حفله في حياتي .. انما دي .. مش حفله شاي بالزبط .. هي كانت فطار مع مامتي و صحباتها ..

كنت انا اصغر واحده ((بس انا مش صغيره يعني )) .. وبنت صاحبت مامتي قدي ,,

المهم كانت قعده لطيفه اوي .. انا عامتا مش بعد مع حد قد مامتي .. او تعاملي معاهم بيبقي خفيف ..

فالنهارده رحت كانت اول مره اعد معاهم كده .. كانوا ظرفاء اوي .. حبيت القاعده انتا بصراحه ..

وعرفت انا مامتي عرفت تنقي اصحابها biggrin.gif

اعدنا اتكلمنا في كذا حاجه .. اغلبها حاجات دينيه sleep.gif

بس كانت اعده لطيفه .. بجد عجبتني اوي .. وهما حابوني اوي و عاملوني كأني واحده منهم ( انا اصلا واحده منهم فعلا )cool.gif

(وانا اصلا واحده اتحب )sleep.gif

بجد بحبكوا يا صحاب مامتي يا سكر ..
rolleyes.gifwub.gif

الجمعة، 18 سبتمبر 2009

كل عـــــــــــــــام و انتم بخير ..

الاثنين، 14 سبتمبر 2009

رئاسه مصر ..

(( نفسي ابقي رئيس جمهوريه مصر العربيه))


الكلمه دي سمعناها كتير جدا جدا جدا .. ومن ناس كتير جدا .. و لما تسأل الي بيقول كده بعد الجمله دي ..

((وليه عاوز تبقي رئيس جمهوريه ))؟؟ .. يقولك (( عشان اصلح مصر طبعا ))

يعني هو مستني يبقي رئيييييس جمهوريه مره واحده عشان يصلح مصر؟؟

انا برضه من الناس الي فكروا التفكير ده .. بس لقيت ان في حاجات كتير في مصر مش سببها رئيس الجمهوريه .. و برضه اما ابقي رئيسه جمهوريه مش هعرف اصلحها ..

-مش رئيس الجمهوريه هو الي بيرمي الورق في كل حته في مصر ..

-مش رئيس الجمهوريه هو الي بيغش في السلع في كل حته في البلد ..

-مش رئيس الجمهوريه هو الي مش بيتقي الله في شغله .. سوا كان دكتور او مدرس او سباك او اي حاجه ..

-مش رئيس الجمهوريه هو الي في اي خناقه تلاقي شتايم و قله ادب تطلع بشكل يجرح اذان الناس الي واقفه ..

-ولا رئيس الجمهوريه هو الي بيكسر الاشاره ويزنق ع الناس و هي سايقه ..

-ولا هو الي بيخطف الاطفال و يدبحهم بلا اي ادني رحمه ..

-ولا ولا ولا... مليون حاجه رئيس الجمهوريه مش مسؤال عنها نهائي

انما الافراد (الشعب)) هما المسؤلين ..

انا مش بقول ان كككككككككككل حاجه بسبب الشعب انما في حاجاااااااات كتير جدا بسبب الشعب ..

والغلط هو اننا نعلق غلاطنا علي رئيس الجمهوريه ..

ومحدش يتحرك ولا يصلح و عشان يرضي ضميره يقنع نفسه ان السبب رئيس الجمهوريه ..

احنا لو شعب كويس .. نصلح حاجه م الحاجات الي قلت عنها فوق و احنا نبقي بلد كويسه ..

و بلاش مووضوع رئيس الجمهوريه .. عشان حتي الي بيقول كده يوم ما يمسك الرئاسه مش هيصلح حاجه لانه مش متعود ع الاصلاح ..


ملحوظه : انا مش بمدح في الرئاسه انما نفسي الناس تتحرك و تبطل تقول مش احنا السبب ..

الأحد، 23 أغسطس 2009

حته صغيره ..

(( أياك تخون الا اذا .. كان امتحانك الجاي في الخيانه ))


دي جمله كان قالها الاستاذ : عمر طاهر .. في كتاب من كتبه .. الجمله في ظاهرها جميله ..

لكن في الحقيقه هي دعوه الي (( الغايه تبرر الوسيله))

حيث انه برر الخيانه .. و اجازها .. اذا كان هناك ضروره لها ..

هذه اذن دعوه للغايه تبرر الوسيله .. المفروض انه لا خيانه حتي ان كان الامتحان القادم في الخيانه ..

فالخيانه لا يوجد ما يبررها .. و لا ما يجيزها ..

الخميس، 20 أغسطس 2009

:)

كل سنه و كلكم بخير يا رب ..!!

الأربعاء، 19 أغسطس 2009

تاجي

جالي تاج جميييييييييل من شخص اجممممممممل من روني حبيبه قلبي و صحبتي و بنت خالتي و اختي الصغيره كمان .wub.gif

بسم الله ابدا بقي ..
evil.gif





من أنت ؟

انا فتاه .. مصريه جدا.. احمل في داخلي شخصيه ثوريه .. اسيره البحث عن الكمال.. فتاه تستعبدني الكلمه الطيبه تأسرني النظره الحنون .. اخشع في محراب العاطفه الصادقه .. الحياه عندي ليست انفعالا .. والمشاعر عندي ليست نزوه ..انما انتماء ويد .. ترتقي بنا الي الابداع .. انا كل شيء او لاشيء .. هذه انــــــــــــا

****

ما الذي تفعله هنا؟

اعبر عن بعض ما داخل دهليز عقلي الصغيره ..

****

إسرائيل تقصف كل جنوب ممكن بحثا عنك ، أى شمال ستقصد .


انا لا افهم ماذا يريد السؤال تحديدا .. لكن علي حسب فهمي .. سوف تكون اجابتي .. انا لن اختبئ ولا يهمني .. اي مكان ستقصف اسرائيل


****

أنت مكلف بحذف حرف من حروف اللغة العربية .. أيها ستختار ولماذا ؟


لا لن احذف .. هذه لغه اغلي من حبات الؤلؤ كيف لي ان احذف منها حرفا ؟؟

****


قدر لك أن تدخل السجن فما هي القضية التي تتمنى ان تدخل بها إليه؟


قتل اي ظالم ..
dead_man.gif

****

بالمناسبة منذ متى اكتشفت نفسك؟

منذ المرحله الاعداديه .. حيث الابداع
sleep.gif

****
اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك ؟

حلمي طبعا .. فأحلام البشر لا تعني لي شيئا اطلاقا ..

****
نحن لا نعيش حياتنا بل نتعلم فيها كيف نعيش» ما تعليقك؟


الحياه لغز كبير .. و لا احد علي قيد الحياه يعرف الحل ..

****
بجملة واحدة فقط أكتب تعريفاً لكل كلمة من الكلمات التالية:

الوطن : المكان الذي انتمي اليه و اعشقه ..

الأم : حنيه العالم فيها حببتي مامتي دي kez09wh7.gif

الليل : الهدوء و النوم ..

الحب:
محرك اساسي للحياه ..

أمريكا : آسفه فكلماتي لن الوثها و اصف هذه البلده ..

المرأة : نصف المجتمع .. و السبب في النصف الاخر ..

الصمت : احيانا خير من الكلام ..

الانترنت : عالم واسع جدا .. و خطير ..

****

أخترمنصباً واتخذ قرارا :


رئيسه الهيئه الواضعه للدستور المصري ..


تعديل بنود كثيره فيه ..
****


قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟

لأن هذه سنه الحياه ..

****


أن تكون مطلوبا لارتكابك جريمة ، خير لك من ألا تكون مطلوباً مطلقاً "هل تتفق مع هذه العبارة ؟ علل

لا اتفق فكل شيء في هذه الحياه نسبي ..


و لا يمكننا وضع قواعد ثابته
****


إلى أين تمضي كلمات الحب .. بعد أن نقولها؟

تمضي الي القلوب و تحفر فيها ..


لتصبح مصدر سعاده ابدي لنا ..

****

هل تجد علاقة بشكل أو بآخر بين المرأة وقطاع الطرق ؟

نعم ان كل قاطع طريق جاء عن طريق امرأهbiggrin.gif

****

هذا فراق بيني وبينك .. متى ولمن تقولها ؟


اقولها لمن لم يقدر ما بذلته من اجله ..


و لا عزاء في ذلك ..
****
كيف هو غداً ؟
لا اعرف و لا اريد ان اعرف ..


فربما يزداد الامر سوء ..sad.gif

****

امرر التاج الى


هند حبيبه قلبي


تقي اختي الحبيبه


بندقتي


كيارتي


و يارب تبقي اجاباتي مش ممله ..

السبت، 15 أغسطس 2009

يوم في المتحف المصري


















التاريخ:13/8/2009
اليوم: الخميس ..
المكان :التحرير .. المتحف المصري ..
_________
كان يوم جميل جدا كان اول مره اشوف المتحف المصري ..
صحيت الساعه 10 الصبح و توجهت لعباس العقاد و قابلت صاحبتي

الحبيبه ((ميمو))
و بعد كده رحنا علي هناك علي طووول .. المتحف كبير اووووي اوووي اوووي .. و مليان حاجات كتير كنت اول

مره اشوفها .. و احلي حاجه فيه ان المعروضات اغلبها
ماكنش محطوط في ((قزاز)) فا كان ممكن المسها .. و ده اضاف للجو متعه

رهيبه ..
سيبكوا اني زهقت لاني مش بهتم بالحاجات دي لكن ميمو كانت هتطير م الفرحه ..
كانت فرحانه اوي اصلها مش مصريه كانت منبهره بالمصريين ((الي هما احنا)) sleep.gif وانا طبعا اما صدقت اعدت اشيد في المصريين ..
وفي عطمتهم يعني عشت في الدور يعني
cool.gif

المهم حاولنا ناخد لنا كام صوره كده .. بس انتوا عارفين ممنوع التصوير ..

لكن علي مين صورنا طبعا
رغم اني شايفه ان ده سلوك مش لطيف ..

انما انا مش فاهمه ايه الضرر الي هيتسبب لو صورنا؟؟


ماهي كده كده الاثار معروضه من غير قزاز انا اصورها او لا ايه الضرر يعني؟؟ المهم صورنا في الخباثه .. علي راي ميمو laugh.gif


و طلعنا بكام صوره حلوه يعني ..

الي انتوا شايفينهم فوق دوول ..

اوحش حاجه في المتحف ده بقي ..
ان كل اثر من الاثار يا اما مكتوب عليه الملخص الملخص يعني ما تفهمش منه حاجه ..
mad.gif
يا اما مافيش حاجه مكتوبه اصلا .. يا اما بالانجليش كان الاثار بتاعتهم و في بلدهم dry.gif

فا في حاجات كتير انا و صحبتي استنتجناها unsure.gif

الثلاثاء، 11 أغسطس 2009

يا جعجعه صوت "الجنون"
يا صلصله سيف "الظنون"
يا كل أصوات الديابه الي بتعوي من سنين ...
انا مش ح رد .. أصل السكات أحسن سعات ..
"من ألف رد "
:
:
:
V

دي حته من كتاب مش فاكره اسمه


الجمعة، 7 أغسطس 2009

thx life .. thx:(


yes
:
:
noor.gif

في حاجات كتير اكتشفت انها بتضايقني جدا .. 180px-Islambouli.gif

و بتخليني عاوزه اموت حد .. رغم ان الحاجات دي عاديه جدا .. biggrin.gif.. و بتحصل لكل الناس عادي ..

منها :

1- اما اروح فرح و حد يقول لي (( عقبالك )) الكلمه دي بتنرفزني جدا .. معرفش ليه .. بس بتغاظ اوي .. mad.gif

2- لما حد احكي له مشكله او حاجه مضيقاني ويقول لي ((معلش)) .. بتعصب علي الاخر .. يعني هو انا بحكي عشان سعادتك تقولي لي كده ,,
dry.gif

3-واما حد يجي قبل امتحان و اكون بذاكر ويقولي (( ربنا معاكي او شدي حيلك)) .. يعني خلاص هي دعوتك الي هتنجحني ؟؟

ولا انا مش بذاكر مستنيه حد يقولي شدي حيلك عشان اشده biggrin.gif

4-اما اخلص امتحان و حد يقولي ((ها عملتي ايه))؟؟ يعني ايه عملتي .. حليت .. ماهو اكيد مش هقول انا حليت غلط .. ما انا لو عارفه انه غلط ما كنتش كتبته blink.gif

5-اما اكون بعيط و ميته عياط و حد يقولي(( مالك انتي زعلانه و لا ايه)) .. لا عيني بتمطر يا خفيف mad.gif

6- او اي حد يقولي ((لا)) في اي وقت .. الحرفين دول مشلين معلين اوي بالنسبه لي ..
وهكذا .. سلسله تصرفات و كلمات بتضايقني و بتفقدني صوابي بجد اما بسمعها ..dead_man.gif

ارجو من الجميع ((الي يقرا ده يعني)) انه يتجنب انه يقولي كده .. وهذا لمصلحه الشخصيه .
. sleep.gif

;;

Template by:
Free Blog Templates