الأربعاء، 25 فبراير 2009

الي مجهول..


والي تاعبني بحبك اكتر..

وانا معرفكش و انتا ما تعرفنيش...



علي الهامش

معرفش انتا مين بس مكانك فاضي..winking

الاثنين، 23 فبراير 2009

يوما تعيسا اخر..


النهارده كانت الاندومي بتاعتي ((حدقه اوي))

اصل دموعي غرقتها..

مشكله ليس لها اي حل..


عمر حد وصل للاخر..يعني جاب اخره في الدنيا دي؟؟ph34r.gif

مم..حوضح لكوا الاخر ازاي..

عارفين شعور واحده واقفه علي جبل المقطم علي الحافه ووراها جيش تعابين علي عقارب..؟؟blink.gif

((اكيد مش عارفين))

يعني خلاص وصلت للاخر ماهو يا تنط و تموت..يا تستني الاخوه التعابين يتعشوا بيها..welcome.gif

ده بنسميه الاخر.. ايه.. سمعت حد بيقول ممكن تحارب التعابين و تعيش..

اه فكره و الله تصدقوا.. happy.gif

طيب خدوا مثال تاني..

واحده تاهت في الصحرا و معاها ميه نار..ماهو ياتشرب الميه و القلب داعي لها.. يا تموت م العطش..

((مافيش اي حركه اكشن في المشهد ده))sleep.gif

ده الاخر.. هو ده الي عاوزه اقول عليه.. يعني واحده خلاص دنيتها ((دايره مقفوله))sad.gif

مينفعش.. اي حل.. اي حاجه هتعملها هتؤدي لنفس النتيجه..

طيب بالله عليكوا..واحده كده تعمل ايه؟؟؟

الي يعرف يقول...

((عارفه اني رخمت بقالي كام مره كده بسيب اخر البوست سؤال و مستينه الاجابه..معلش جت معايا كده بقي استحملوا..))unsure.gif

الأحد، 22 فبراير 2009


دي باقه ورد اهداء مني ل((بندقه))

عشان هي بجد انسانه مشجعه .. وهي الي علي طول بتعمل لي كومنتس ع البلوج هنا.. وده شيء بيشجعني جدا.. وهي قالت لي علي كام حاجه كانت غلط في سيستم البلوج..وكمان عشان الحركه اللطيفه الي هي عملتها علي البلوج بتاعتها وحطت بلوجي وكتبت فوقها ((مدونه تستحق المشاهد))979017911.gif

بجد متشكره جدا يا جميله.. انتي انسانه جميله فعلا و تستاهلي اكتر من الورووود دي..wub.gifgiveroseaq3.gif

وكمان ماانساش بعد بندقه.. سويت فيوليت.. برده انسانه جميله بتشجعني هنا من خلال الكومنتس..وكمان من متابعي المدونه دائما..

بجد برده متشكره ليكي جدا يا جميييييييييييله..giveroseaq3.gifwub.gif

مش عارفه مالي..

هو انا زعلانه..sad.gif

طيب فرحانه؟؟laugh.gif
مهيصه؟؟cheer.gif

ولا مهيسه؟؟amr2.gif

عاوزه اضحك من قلبي؟؟roll.gif

ولا اعيط؟؟noor.gif

بحب؟؟kez09wh7.gif

ولا بكره؟؟040.gif

مش عارفه بجد مالي؟؟؟؟adam.gif

مش عارفه عاوزه ايه بالزبط؟؟nothappy.gif

طيب لو حد عارف اعمل ايه يقول لي.. او حد عارف مالي برده يقول لي .. bosy.gifوانا هفضل مستنيه لحد ماعرف..




الجمعة، 20 فبراير 2009


بالحبر الاسود
ازاي ارسم ورده روز؟
:
:
:
v
من كتاب حبه هوا ((وليد طاهر))

الخميس، 19 فبراير 2009

ثقوب في الضمير




اصبح في مجتمعنا الحالي كل فرد يحمل ثقب او اكثر في ((ضميره))..


فمثلا..

بعض الشباب الذين يخدعون اهلهم زاعمين انهم في المكتبه للقراءه..بينما هم في ((النادي))
تجد الشاب منهم في بادئ الامر يتلفت حوله ..بنظرات يملاها الخوف و الارتباك.. خوفا من ان ينكشف امره..ويكاد يموت بسكته قلبيه عند اتصال والدته عليه.. وتجده يتكلم معها و هو شبه فاقد الوعي..
ثم و بعد تكرار هذا الموضوع تجده لا يبالي ..
هكذا اصبح لديه((ثقب في الضمير))


-احيانا تجد شركه ما تقوم ببعض الاعيب في الاوراق لتبدو اوراقهم سليمه.. و تجدهم في قمه الارتباك..وفور وصول المسؤلين عن التفتيش و رحيلهم بعد ان اكدوا ان هذه الشركه خاليه م العيوب..تجدهم قد اعجبهم الامر..ويكرروووووه((اصبح لديهم ثقف في الضمير))

اعزائي..لست اجد من الامثله الواقعيه الكافيه لتأكيد وجهه نظري.. لكن اذا بحث كل منا حوله سيجد هذا المثال واضحا امامه..

حينها تذكروا كلامي .. و حينها اعلموا انك اخيرا-وبلا فخر- قد قابلتم احد اصحاب ((الضمائر المثقوبه))

الأربعاء، 18 فبراير 2009

ذكريات محفوره من 17 سنه ونص..

عمري ما هنسي..او مره شفت فيها ماما..ايه عادي ..لسه فاكره ايه المشكله يعني..sleep.gif

عمري ما هنسي.. اول يوم كي جي.. و ادايه كنت فرحانه.. اصلي دخلت المدرسه بقي و دي في عرف الاطفال اول خطوه في عالم الكبار..
happy.gif

عمري ما هنسي..اول يوم رحت مدرسه الرضوان..كنت في تانيه ابتدائي بابا سبني ع الباب و دخلت المدرسه..المدرسه دي فيها طابور البنات فوق و الولاد تحت..ده كان وضع غريب عليا..فا وقفت تحت مع الولاد..واستغربت ازاي انا البنت الوحيده الي جات..لحد ما جات بنت اخدتني فوق..young.gif

عمري ماهنسي.. اول مره لبست فيها القميص البيج الجميل ده علي الدريل الزيتي..وبقيت في اولي اعدادي..وكمان فصلي في الدور الرابع..دور البنات الكبار..kab.gif

عمري ماهنسي ..اول فسفوسه طلعت لي في خدي و انا في تانيه اعدادي..وكانت وجعاني..00811.gif

عمري ماهنسي..يوم ما قلت ل لولو تعالي اعدي هنا بالعند في البت الي هناك دي..ولا يوم ما قلت لميمي نبقي صحاب..nesta.gif

عمري ماهنسي..يوم ما بقينا اربع صحاب في تانيه اعدادي..cheer.gif

عمري ما هنسي.. يوم ما لبست العبايه الكحلي و انا في اولي ثانوي و كتا ست اصحاب..
post-179-1137252825.gif
عمري ما هنسي.. ازاي بعد كده بقينا اكتر..039.gif

عمري ما هنسي..اما في تالته ثانوي حسينا اننا اكبر دفعه في المدرسه..msg-8251-1206659661.png

عمري ماهنسي..يوم ما دخلت جامعه عين شمس.. ولقتها كبيره اوي..مش زي المدرسه..blink2.gif

عمري ماهنسي..يوم ما لقيت ان في ناس كتير اوي بحبهم اوي..shy.gif

عمري ماهنسي..اول يوم امتحان في حقوق..انا كنت خايفه جدا..اللجنه كبيره اوي و معرفش بني ادم واحد هناك..وتلت تربعهم ولاد
blink.gif

عمري ما هنسي..اول يوم اخازه في نص السنه اما رجعت من امتحان الشريعه رشقت علي الكومبيوترmohareb.gif

عمري ماهنسي..ان الاجازه دي كانت اول اجازه اخرج كل يوم فيها ..yahoo.gif

_________

دي بعض الذكريات الي عمري ما هنساها.. طبعا في كتييييييييييييييييييييييييير اوي بس سر بقي..amr.gif

وطبعا زي ما لحظتوا ما كتبتش الذكريات المهببه..
mody.gif



ماما: مدونتك رقيقة جدا وبتفكرنى بنفسى وأنا صغيرة " ماأنت عارفة موهبتى فى الشعر والتأليف "biggrin.gif بصراحة سعيدة بكلامك وخاصة انه يدل على عمق التفكير وعلى شخصية تختلف كتير على اللى باشوفها كل يوم ههههههههه بس الحقيقةالمدونة حلوة جدا :)...



ده الكلام الي مامتي قالته عن المدونه .. وكتبته في الشات بوكس هنا.. بس خفت يتمسح مع اي كلام جديد يتكتب..

فا قلت اكتبه في بوست عشان يفضل موجود علي طول..عشان زي ما انتوا عارفين اكيد ده احلي كلام احب انه يفضل موجود في مدونتي..wub.gif



شكرا يا اميgiveroseaq3.gif

;;

Template by:
Free Blog Templates