الاثنين، 2 مارس 2009
حقوق النشر محفوظه ل
¤¦¤Ebtehal ¤¦¤
في
10:49 ص
هو عمر حد حس باحساس .. جزره مضروبه في الخلاط..؟؟
طيب حد عمره حس احساس .. مكورنه باشميل طالعه م الفرن .. ؟؟
طيب .. فرخه بتدبح .. ؟؟
او .. كلب متنرفز.. ؟؟
او .. قطه تهقانه .. ؟؟
او.. او.. بصوا كل دي احاسيس عمرنا ما هنعرف هي بتتحس ازاي..
عارفين ليه؟؟ مش عشان احنا اغبيه او مش بنحس..
لكن ببساطه عشان احنا مش هما..
عشان احنا عمرنا ما كنا .. جزره مضروبه في الخلاط .. ولا مكورنه باشميل.. واي حاجه من دول..
عشان كده يا جماعه .. احب اوصل لكوا.. حاجه اكتشفتها..
ان مهما حد اشتكنا لنا عن مأساه عنده.. او حاجه مضيقاه ..
عمرنا ما هنحس بيه.. كل الي هنقدر نقولهولوا ((معلش يا جميله)) ((لا يا حببتي ماتزعليش))
وهما يكونوا في اتعس لحظات حياتهم و يلاقوا التانين يقولوا لهم الكلام ده..
وصل لكم الي عاوزه اقولوا..
يعني من الاخر.. اما نلاقي نفسنا في اتعس اللحظات و نلاقي حد يقول لنا ((هي الدنيا مش هتقف يا حببتي يعني)) سعتها مانقولش الناس دي مش بتفهم.. لا نقول.. عمرهم ما كانوا
جزره في الخلاط....
5 Comments:
Subscribe to:
تعليقات الرسالة (Atom)
لكن مش على الكل .. لان ممكن تكون التجربه واحده و اللى قال كده مر بيها قبلك فبيبقى عارف احساسك كويس و عارف ان الحياه فعلا مش هتقف
لكن الكلام اللى بتقوليه ده بينطبق على حد مامرش بالتجربه نفسها علشانه كده مش هيكون حاسس بيها فعلا
بس تصدقى انا حاولت اجرب احساس الجزره دلوقتى تخيلى حسيت بدوران ((:
----------
كلامك صح بس برده يا حببتي ممكن حد يمر بنفس التجربه بس يكون حاسس انها عادي بينما انتي تكوني حاسه انها مأساه
عشان كلنا مش زي بعض حتي لو تشابهت التجارب .. لاننا مختلفين في الظروف و الشخصيات و البيئه وحاجات كتير..
ههههههههه
طيب اوعي تحاولي تحسي احساس مكرونه باشميل طالعه م الفرن احسن تتحرقي
شكرا يا قمر علي الرد..:)
انا ماحسيتش بحاجات كتير كانت بتحصل لاقرب الناس ليا الا لما فعلا حصلى
انما احنا ممكن نحاول نقدر اللى غيرنا بيشعر بيه
بس اكيد مش الجزره فى الخلاط
ههههههههههه
بس انا اكتر احساس بشعر بيه وبيتنقلنى حتى من شاشه التلفزيون هو قفدان الحبيب
ياااااااااه والله قلبى بيتقطع مع انى ممكن اكون بضحك طول الفيلم بس الوقت ده تلاقى دموعى نزلت بسرعه
واقول لماما الحنفيه دى لازملها جلده ضرورى
هههههههههههههههههه
------
اه و الله با بنتي كله كوم و فيلم انتا عمري اشوفه من هنا
واسح اد كده.. :'(