داخل دهاليز عقلي.

الثلاثاء، 8 ديسمبر 2009

يوم اظلمت سمائي..!

حقوق النشر محفوظه ل ¤¦¤Ebtehal ¤¦¤ في 2:50 م

هو يوم انتقلت جدتي الي رحمه الله يوم ((5/12/2009 ))

الموقف ده كان فاصل في حياتي .. غير حاجات كتير اوي .. وعرفني حاجات كتير اوي .. وعلمني حاجات كتير ..

مبدأيا .. غيرت فكرتي عن ناس كتير اوي .. او بمعني اصح انا غيرت فكرتي عن كل الناس الي حواليا ..

يعني كل واحد كنت متوقعه منه رد فعل لقيت رد فعل مختلف .. معادا انتيماتي الاتنين .. كنت عارفه انه ده هيبقي رد فعلهم ..

انما حقيقا انا مصدومه ف رد فعل ناس كتير .. ومبسوطه من رد فعل ناس تانيه ..

من غير ذكر اسماء ..

كل البنات المقربات ليا .. طلعوا زباله .. و رد فعلهم صدمني حتي كدت الحق بجدتي ((رحمها الله))

وناس تانيه بعاد عني .. لقيت انهم اهتموا جدا ..

وناس بعت لهم جدتي ماتت .. والمفروض انهم من المقربين .. واذا بي افاجأ ان حتي ولا اتصال ولا مسج تعزيه ..

وللاسف انا شلت الموقف لوحدي .. عشان المقربات مشغولات يا حرام ..

اتعلمت من موت حببتي .. ان الواحد مش هيعشق حاجه الا اما يفقدها ..

وان المواقف دي هي الي بتبين معادن الناس الي حواليا ..

عشان كده انا عارفه ان موتها هيغير الكون من حواليا .. ومش شرط وحش ..

لان في ناس كتير غيرت فكرتي عنهم و بقيت بحبهم و بحترمهم اكتر م الاول ..

وناس خلاص وقعوا من نظري وقعه جامده ..

...

الخلاصه .. ان اليوم ده نقطه تحول ف حياتي .. هعاني منها فتره لحد ما اخد عليها ..


...

رحمك الله جدتي الحبيبه .. و ادخلك الجنه .. وغفر لكي ذنبك ..

   

5 Comments:

1. راء said...
   9 ديسمبر 2009 في 1:51 م  
   حبيبتي البقاء لله ربنا يرحم جدتك ويغفر لها ذنوبها كلها..
   
   تعرفي ده يمكن اصعب ابتلاء من ربنا للانسان بس انا عارفة ان ده فيه الخير وربنا عاوز كده فــ الحمد لله على كل حال
   
   كفاية بس ان نظرتك اتغيرت للحواليكي
   
   مش هكدب واقول الموضوع سهل لأن واضح انك كنتي متعلقة بيها بس الموت مش وحش ولكن الوحش والصعب هوا الافتقاد..ده اللي بيتعب
   
   والحمد لله على كل حال
   ¤¦¤Ebtehal ¤¦¤ said...
   9 ديسمبر 2009 في 3:14 م  
   حببتي يا عسووووله .. بجد كومنت جميله جدا .. وكلامك كله صح ..
   
   والحمد لله فعلا .. :)
   
   والله اسعدني تعليقك .. تقبلي تحياتي :)
   Ranim Ayman said...
   11 ديسمبر 2009 في 3:47 م  
   انا مش من الناس الوحشه صح ؟ واللهي انا مش من الناس الوحشه دول عاااااااااااااااا البقاء الله ياااااا روحي وربنا يرحمك يا انه نواااااااااااال وان شاء الله في الجنهههههههه
   hend mossallam said...
   13 ديسمبر 2009 في 3:49 ص  
   2l baka2 lelah ya betoo ya amar :S:S
   
   
   rabena ma3akoo kolokoo
   
   
   w alah yer7amek ya anna nawal :'(
   Ana keda said...
   23 ديسمبر 2009 في 4:01 ص  
   هقولك على حاجة انا جدى اتوفى بعديها بيوم
   وكان احب الناس الى قلبى بس يمكن انا متنحتش زيك كده لانى كنت اصلا غربلت الناس الى معايا بس برضه اتصدمت فى ان اقرب اصحاب معزونيش وهم عارفين كويس انا حالتى هتبقى ايه بصصى اتعاملى مع الموقف صح خدى وقتك فى زعلك بس بعد كده حطى الناس دى عالبلاك ليست ومتعبريش حد منهم بجد انتى اغلى من انك تكونى معاهم
   حبى نفسك وادعى لجدتك عشان هى كمان بتحبك وعاوزاكى كويسة
   زمان قالوها المواقف الصعبة هى الى بتبين الناس ولا ايه

Post a Comment