الأربعاء، 16 مارس 2011

حقوق النشر محفوظه ل ¤¦¤Ebtehal ¤¦¤ في 3:05 م

شفت جمله ضايقتني اوي و انا بذاكر السيره .. الجمله بتقول :"لم يستطع ابن سلول ان يخرج المسلمين بالقوه ..لذلك حاول ان يوقع بينهم لكنه لم يفلح ايضا "

القصه انه كان لسه مشرك و حاول يوقع بين المسلمين لكنه فشل .. في وقت اصلا كان بالنسبه لهم فتنه .. يعني صعب اوي ناس عايشه من زمان علي دين و علي عادات معينه و فجأه يجي حد يغير كل الكلام ده و يقول عكسه .. ده المفروض يخليك تحس بالغدر من كل الي حواليك ..

ومع ذلك فشلت الفتنه بينهم..

وده الي مزعلني - مش مزعلني ان الفتنه فشلت بينهم اكيد - انما مزعلني اننا دلوقتي بعد 1400 سنه وشويه من الهجره و من البعثه النبويه .. والي المفروض نبقي اقوي ..عشان بقي عندنا وعي .. و حضاره .. وقرينا قصص السابقين الاف المرات .. و شفنا فيها العبر ..ومع ذلك .. ممكن اي حاجه تفتنا ف دينا ..ولا اقصد بينا و بين النصاري .. لا .. اقصد بينا و بين بعض في دينا ..

للاسف احنا بقينا مذبذبين جدا .. و بقينا نفصل اي حاجه عن الدين .. الواحد زمان كان يتمني ان يموت و الاسلام يعيش دلوقتي بقي الواحد ما يرهقش نفسه حتي يسكت عشان مايحصلش فتنه ف الاسلام ..

عشان كده بقينا - وهنظل - و عذرا علي التعبير - تحت اقدام الامريكان و اليهود - .. عشان احنا من جوانا مجتمع مهلهل ..

ولا عزاء فينا .. =((

 

0 Comments:

Post a Comment



Subscribe to: تعليقات الرسالة (Atom)

Template by:
Free Blog Templates