الخميس، 12 فبراير 2009
طبعا كلنا عارفين اغاني الاب و الام..((ست الحبايب يا حبيبه..الخ..))
((بابا يا احلي اب.الخ..))>>اعتقد ان مافيش اغاني للاب ..او في بس مش دي
((مشربتش من نيلها))..لا دي جات غلط
ماشي دي الاغاني الي واجعين دماغنا بيها
والاب و الام .. و عيد ام و مافيش عيد اب..
ومحدش عارف بالزبط ايه وظايفهم.. انا اقول لكوا..
انتوا محظوظين عشان لقتوا حد يقول لكوا..
وانا بصفتي بقالي 17 سنه عايشه((مشاء الله))
ممكن اقول لكوا من خبرتي الطويييييييله..ايه هي وظائف الاب و الام..
بصوا بقي..
اولا:نتكلم عن ماما ..
واول وظيفه ليها..
-تصحينا في عز البرد و من احلي نومه..عشان نروح المدرسه
-وفي عز الاندماج و احنا بنرغي في التلفون..تخلينا نقفل
-وتقول الوقت..شيلي ده اعملي ده..
-ولازم لازم..يبقي ليها كل اجازه كده تلات اربع مرات ترفض لنا فيهم طلب
وطبعا ممكن اكتر بكتير..وفي حاجات تانيه بس خلونا ندخل علي بابا..
ثانيا بابا:
واول وظيف
-لو ماما فشلت في صحيانا هو يجي يصحينا..
ولو ما قفلناش التلفون اما ماما تقول هو بيزعق لنا عشان نقفل..
و بعد ما نرتاح من اوامر ماما يجي يدي اوامر جديده..شيلي دي اعملي دي..
و لو بقي حصل و ماما واقفت علي طلب في الاجازه..يجي بابا و يرفضه
برده في حاجات تانيه بابا بيعملها بس خلينا في ده الاول..
الحاجات بقي الي ماما و بابا بيعلموا
انهم دايما سهرانين علي راحتنا ..
ودايما بيبذلو كل جهدهم عشان نبقي مبسوطين..
وممكن يضحوا بعمرهم عشان بس نعيش كويس
ومحدش في الدنيا ممكن يبقي حنين علينا زيهم..
بيحبونا بجد..
بابايا و مامتي انا بحبكم جدا والله..ومهما انا عملت فيكوا ((وما اكثر اعمالي)) بجد بحبكم..
انتوا حبايبي اويييي
يالا يا بنات كل واحد يقول لمامته و باباباه انه بيحبهم .. يالاااااااااااا..
كان معكم الي خبرتها 17 سنه ((مشاء الله))
ادتكوا من خبرتها يارب تتعملوا..
0 Comments:
Subscribe to:
تعليقات الرسالة (Atom)
