الأربعاء، 18 فبراير 2009
عمري ما هنسي..او مره شفت فيها ماما..ايه عادي ..لسه فاكره ايه المشكله يعني..
عمري ما هنسي.. اول يوم كي جي.. و ادايه كنت فرحانه.. اصلي دخلت المدرسه بقي و دي في عرف الاطفال اول خطوه في عالم الكبار..
عمري ما هنسي..اول يوم رحت مدرسه الرضوان..كنت في تانيه ابتدائي بابا سبني ع الباب و دخلت المدرسه..المدرسه دي فيها طابور البنات فوق و الولاد تحت..ده كان وضع غريب عليا..فا وقفت تحت مع الولاد..واستغربت ازاي انا البنت الوحيده الي جات..لحد ما جات بنت اخدتني فوق..
عمري ماهنسي.. اول مره لبست فيها القميص البيج الجميل ده علي الدريل الزيتي..وبقيت في اولي اعدادي..وكمان فصلي في الدور الرابع..دور البنات الكبار..
عمري ماهنسي ..اول فسفوسه طلعت لي في خدي و انا في تانيه اعدادي..وكانت وجعاني..
عمري ماهنسي..يوم ما قلت ل لولو تعالي اعدي هنا بالعند في البت الي هناك دي..ولا يوم ما قلت لميمي نبقي صحاب..
عمري ماهنسي..يوم ما بقينا اربع صحاب في تانيه اعدادي..
عمري ما هنسي.. يوم ما لبست العبايه الكحلي و انا في اولي ثانوي و كتا ست اصحاب..
عمري ما هنسي.. ازاي بعد كده بقينا اكتر..
عمري ما هنسي..اما في تالته ثانوي حسينا اننا اكبر دفعه في المدرسه..
عمري ماهنسي..يوم ما دخلت جامعه عين شمس.. ولقتها كبيره اوي..مش زي المدرسه..
عمري ماهنسي..يوم ما لقيت ان في ناس كتير اوي بحبهم اوي..
عمري ماهنسي..اول يوم امتحان في حقوق..انا كنت خايفه جدا..اللجنه كبيره اوي و معرفش بني ادم واحد هناك..وتلت تربعهم ولاد
عمري ما هنسي..اول يوم اخازه في نص السنه اما رجعت من امتحان الشريعه رشقت علي الكومبيوتر
عمري ماهنسي..ان الاجازه دي كانت اول اجازه اخرج كل يوم فيها ..
_________
دي بعض الذكريات الي عمري ما هنساها.. طبعا في كتييييييييييييييييييييييييير اوي بس سر بقي..
وطبعا زي ما لحظتوا ما كتبتش الذكريات المهببه..
2 Comments:
Subscribe to:
تعليقات الرسالة (Atom)
انا اول تعليق فى المدونه كلها
D:
ياستى الف مبروك على المدونه اولا
ثانيه بقى
ايه كل البوستات دى
كل يوم بوست احنا مانقدرش على كده
اما بقى بوست الذكريات ده اقولك فيه
كل ده فاكراه ....... ده انتى قلبك اسود اوىىىى
هههههههه بهزر طبعا اوعى تزعلى
هو اصلا مافيش احلى من زكريات المدرسه والطفوله دى
انا لحد دلوقتى فاكره ماما لما كانت تودينى المدرسه فى ابتدائى وانا اعيط واقولها ماتسيبينيش
بس زكريات حلوه
------------------------------
فعلا البوستات كتير .. اعمل ايه افكار بتيجي في وقت واحد ^_^
وطبعا مش هزعل منك يا بنتي ازعل ليه ^^و