داخل دهاليز عقلي.

الأحد، 2 أغسطس 2009

الأربعاء، 29 يوليو 2009

الأربعاء، 15 يوليو 2009

من المشاكل الجماعيه للابناء

2 رايكمـ حقوق النشر محفوظه ل ¤¦¤Ebtehal ¤¦¤ في 11:58 ص

ليه اما اي حد من الابناء يغلط يلاقي امه و ابوه .. نزلوا فيه عقوبات علي شتايم علي .. علي .. من غير ما يشوفوا ابنهم عمل كده ليه؟؟

طب ليه الاباء ممكن يعملوا حاجات كتير و اما الابناء يعملوها يزعقوا لهم (( ده عشان هما اباء واحنا ابناء .. ولا عشان كده و خلاص))؟؟

حاجه كمان .. ليه اهلنا بيتحكموا فينا بشكل كبير جدا قد يصل الي انقاء الملابس و النوعيه و الاصحاب و حتي احيانا الاكل .. ويقولك انا ابوك او انا امك ؟؟؟

حاجه اخيره : اما اهلنا يقولوا لا علي اي حاجه و نسألهم ليه تلاقي ابواب الجهيم فتحت في وشك ..
*****

علي فكره بتكلم بجد .. انا مش ناقمه علي امي و ابي انما انا متعجبه ..

*****

مثلا تعالوا نتكلم عن اول مثال ده ..

مثلا بنوته كلمت ولاد .. وخرجت معاهم و عاشت يعني (( فاهمين انتوا الحوارات البايظه دي))

تلاقي البنت اساسا بترد ع الولد وهي في البيت ووشها ضارب الوان لحسن ابوها يسمعها و تبقي كارثه .. ولا وهي برا البيت بتعد تعمل مسح كامل علي الكافيه قبل ما يعقدوا فيه لحسن يطلع حد من صحاب ابوها هناك ..

و اول ما ابوها يعرف و يقع الفاس ف الراس (( احسن))

تلاقيها مرعووووووووبه .. واعده تعيط من قبل ما الوالد يعمل اي حاجه .. ((ماهي المسكينه عارفه الي منتظرها))

المهم تلاقي ابوها ثاااااااااااااار و اعد يزععععععق و عقوبات عقوبات عقوبات من هنا لبكره .. و كده عيييييييب و الشرف و الجيران يقولوا ايه

والناس ؟؟ وانتي مش بنتي انتي منحرفه ...... وافلام عربي اد كده ..!!

طب الاب ده مافكرش ليه بنته عملت كده؟؟؟

انا اقول لكوا ليه عملت كده ..

ربنا سبحانه و تعالي اما خلق الانسان .. خلق جوانا حاجات فطريه .. الحاجات دي لا تورث .. ولا تكتسب .. دي حاجات موجوده عندنا كلنا ..

منها احتياج كل البنات للحنان الذكوري .. واحتياج كل الولاد للحنان الانوثي ..

لحد هنا كله فاهم ..؟؟

ماشي اما البنت الي كنا بنتكلم عنها دي ماتلاقيش حنان ذكوري موجود يعني اب مشغول ف شغل او اصحاب او اي حاجه ..

واخ مشغول او مافيش اخ اصلا .. يبقي البنت طبيعي تدور علي الحنان الذكوري من برا .. فا تلاقيها تصاحب و ترتبط وكل الي احنا عارفينه ده ..

طيب بالله عليكوا كده الغلط الاكبر علي مين؟؟؟؟؟؟؟؟؟؟؟؟؟؟؟ اه طبعا الاب و الاخ .. طبعا طبعا طبعا ..

بصوا انا لا ابرر خطأ البنت عشان الخطأ خطأ حتي لو جبناله ميت مبرر ,, انما انا مضايقه من رد فعل الاباء عموما ..وعلي فكره ده لا يعني اني مش موافقه علي العقاب

بالعكس من حق الاب يقتلها .. بس قبل ما يقتلها يشوف هي عملت كده ليه ..

******

طيب ننتقل للمثال التالي ..

اه دي الي هتجنني

تلاقي ولد مثلا ابوه بيشرب سجاير ويا ويله لو شرب هو سجاير .. طب ليه؟؟؟

ماهو لو عشان الدين يبقي انتا بتطبق الدين علي ابنك و انتا لا ؟؟ لو اخلاق يبقي انتا عاوز ابنك يبقي علي خلق و انتا لاا ؟؟


ولا ايه النظام يعني ؟؟

*****


و المثال التالت .. اهلنا كل حاجه بيتحكموا فيها ..

بلاش تلبسي كده مبينك تخينه ..

ماهو حضرتك يا ماما انا بحب الهدوم دي و عاوزه البسها مع صحبتي ..

لا يا بنت قلت لاا مبيناكي تخينه

مالهم يا ماما التخان يعني ان...

الام مقاطعه : انا قلت كلمه

___

ماما ينفع اخرج مع ابتسام النهارده ..

لا يا حببتي اصلي مش بستريح لابتسام دي

بس انا بحبها يا ماما

وانا قلت لاا ..



*****
والمثال الاخير :

ماما ينفع اروح مع صوحابي المول ..؟؟

لا يا حببتي ..؟؟

ليه ؟؟

ايه ده انتي بتناقشي انا قلت يعني لا من غير مبرر.. اما بنت قليه الحيا صحيح ..

*******

وهكذا سلسه تحكمات رهيبه ف الابناء من قبل الاباء ..

التي تخلو من النقاش او النطق العادل .. لنا نحن الابناء ..


يا تري ايه سببها .. هل هو المجتمع بعاده و تقاليده التي ورثها اباءنا دون التعديل فيها ..؟؟

ام هو فكر مسيطر علي عقول اباءنا انهم هم من يحكم ف المنزل ؟؟

ام انه قدرنا ان نعيش اخل اسوار اوامرهم ؟؟


ملحوظه علي جنب اوي كده ..

انا بحب اهلي جدا جدا جدا .. ومحدش يفتكر اني بثور عليهم او حاجه ((لا ابدا))

انما انا نفسي يفكروا معانا و يقنعونا و يبقي في لغه حوار بينا و بينهم احنا برضه ناس دماغنا شغاله يعني مش اطفال عشان نتعامل كده ,, يعني ام مش عاجبها مكان تيجي تشوفه لو جات ولقته فاسد فعلا و جات تقول لبنتها لا ما تروحيش هناك يبقي ماشي معاها حق لكن تحكم م البيت اهو ده بقي الي لا ..
ام مش عاجبها فلانه من غير ما تتعامل معاها يبقي عمرها ما هتقنع بنتها ان فلانه دي وحشه .. انما اتعاملت معاها و لقتها فعلا وحشه كده بنتها تقتنع و لا ايه؟؟


اوعوا حد يثور علي اهله و يقول اصل بوست ثلوج خلاني افوق


فاهمين؟؟

   

الخميس، 2 يوليو 2009

الجمعة، 19 يونيو 2009

الاثنين، 8 يونيو 2009