داخل دهاليز عقلي.

الاثنين، 8 فبراير 2010

تذكره بسيطه

حقوق النشر محفوظه ل ¤¦¤Ebtehal ¤¦¤ في 4:22 ص

نعمه السمع

اكيد يعني مش محتاجه تعريف ماكلنا عارفين ايه هي نعمه السمع ..

بس محدش فينا جرب ان ربنا ياخد منه النعمه حتي ولو لمده ساعه ..

انا بقي جربت .. الكلام ده كان من 5 او 6 سنين .. يعني اما انا كنت ف تالته اعدادي

كنت مسافره .. و بعدين و الطياره بتهبط .. ضغط الهوا كان شديد علي ودني .. فا اتسدت

فجأه لقيت نفسي مش سامعه اي كلمه .. امي ف الكرسي الي جنبي بتتكلم في ودني و انا والله مش سامعه حاجه

المضيفه وقفه عند الكرسي بتاعي بتتكلم مع ماما وانا شايفه بس شفايفها بتتحرك و مش سامعه حاجه ..

والله كان اسوأ شعور ف الدنيا .. حسيت فعلا كأن فجأه الدنيا بقت ابيض و اسود .. حسيت كأني باكل شوكلاته حادقه

كان اسؤأ لحظات حياتي .. لاني مش عارفه هل هيرجع لي سمعي تاني و لا خلاص راح .. هل هفضل بقيت عمري شايفه الدنيا ناقصه حاجه و لا هرجع اشفها الوان تاني ..

ولما رجع سمعي تاني ..
حسيت بالراحه .. زي اما حد يكون بردان و بعدين ينزل تحت البطانيه ويدفي ..

حسيت اد ايه هي حاجه ضغيره جدا لكن مهمه جدا جدا جدا .. حسيت اد ايه هي حاسه وحده من ضمن 5 حواس ومع ذلك فرقت معايا جدا اما اتعطلت ..

بعدها جالي خاطره غريبه .. او بمعني اصح حاجه ماكنتش واخده بالي منها زمان ..

عشان انا من يوم ما اتولدت وانا بسمع و كل الي حواليا بيسمعوا ((الحمد لله ))

فا عمري ما حسيت انها نعمه .. وكأن الطبيعي اننا نبقي بنسمع ..

والطبيعي ان محدش فينا يفقد سمعه .. وخلاص بما اننا اتولدنا بنسمع يبقي هنموت بسنمع ..
ومعملناش حساب ان دي نعمه من ربنا و ممكن باخدها مننا في اي وقت ..

بسبب او من غير سبب ..

ومع ذلك احنا كلنا بنعصي ربنا بالنعمه .. ونعد نسمع اغاني ..

كأننا بنقوله شكرا يا رب انك ادتنا نعمه السمع عشان نعصيك بيها ..

ده بدل ما نشكره و نحفظ النعمه دي من المعاصي لا بنعصيه بيها ..

وده علي فكره منتهي منتهي الاجحاد .. و عدم الاحساس بقيمه النعمه دي ..

فا يا جماعه ارجو ان كل واحد يراجع حساباته تاني و يخليه فاكر ان في اي لحظه ممكن ربنا ياخد منه النعمه دي.. ممكن في لمح البصر الواحديفقد سمعه..

وياما سمعنا عن ناس كانت بتسمع و فقدت سمعها في حادثه او غلطه طبيه.. وكله بيحصل في ثانيه ..

وسعتها و الله هنندم ونقول يا رب رجعها و مش هنعصيك تاني .. بس سعتها هتبقي ..

TOO LATE

   

3 Comments:

1. hend mossallam said...
   10 فبراير 2010 في 2:56 م  
   first comment hooo :d :d
   
   beto beto beto <3 nice post ya 7oobii
   
   w e7l 3ala kol 7aga :D :D
   
   i'll miss u :D
   ¤¦¤Ebtehal ¤¦¤ said...
   10 فبراير 2010 في 3:28 م  
   thXXXX 7yaaaaaty
   
   <3
   ¤¦¤Ebtehal ¤¦¤ said...
   20 مايو 2010 في 3:23 م  
   جزانا و اياكم يا حببتي :]

Post a Comment