داخل دهاليز عقلي.

الأربعاء، 20 مايو 2009

blink

6 رايكمـ حقوق النشر محفوظه ل ¤¦¤Ebtehal ¤¦¤ في 12:54 م

انا مستغربه و مزبهله و متعجبه و متسائله

ومش فاهمه و مش مجمعه ومش عارفه

..

ازاي ممكن

واحد حافظ احاديث اد العالم ده

و عنده معلومات دينيه هايله

وتلاقيه مصاحب بنت

او تلاقيه مش بيصلي

او تلاقيها مصاحبه

او تلاقيها لبسها مش كويس

ازااااااااي.

حد يقول لي..

صحيح ممكن حد يبقي عنده

مواضيع صح و مواضيع غلط

وده حالنا كلنا

لكن في حاجات جوهريه و اساسيه

ما ينفعش

حد يفهمني لحسن مش فاهمه

   

الاثنين، 18 مايو 2009

السبت، 16 مايو 2009

4 رايكمـ حقوق النشر محفوظه ل ¤¦¤Ebtehal ¤¦¤ في 9:59 ص

للمره التمانتلاف اغير الاستايل


اصل الي قبل ده بصراحه كان في عيوب جوهاريه اوي بالنسبه لي ..

فا قررت اغيره رغم ان موضوع التغيير مش حاجه سهله .. بس عادي كله فداكم

يالا يا رب يعجبكوا .. و تعجبوا اكتر المواضيع الي هنا

   

الخميس، 14 مايو 2009

انا مش سجاده

18 رايكمـ حقوق النشر محفوظه ل ¤¦¤Ebtehal ¤¦¤ في 7:38 ص

ايه موضوع السجاده ده ..

ماهو اكيد انا مش سجاده .. هو في يا اذكيه سجاده عندها مدونه؟؟؟

المهم عشان مخسرش حد .. الموضوع الي عاوزه اتناقش فيه معاكم النهارده هو ... الجوزا التقليدي ...

زمانكم بتقولوا ايه علاقه الجوزا التقليدي ده بالسجاد .. اقولكوا..

ايه هي اصلا اركان الجوزا التقليدي .. الخطوات يعني الي قبل الجوزا .. بصوا الحوار ده

فتحيه: ايه ده مشاء الله يا امو اسلام .. اسلام كبر خالص و بقي عريس مش ناويه تفرحي بيه ..

ام اسلام: والله ناويه يا فتحيه بس اصل الواد متنك علي الاخر طالع لابوه .. وحاطط ميت مواصفه للبنوته الي يتجوزها .

فتحيه: طيب قولي لي العريس نفسه في ايه و انا يمكن طليه عندي (( محسساني انها مصباح علاء الدين))

ام اسلام: نفسه في واحده طويله و رفيعه و بيضا و شبه نور الممثله .. و يكون معاها ماجستير علوم سياسيه .. و قموره .. ومعاها عربيه كمان..

فتحيه:مزبهله .. ((والله صعبت عليا الست دي))

طب بالله عليكم مش ناقص يقول .. و تكون لاقيه علي الصالون..

هو ده الي بتكلم عنه .. يجي واحد يعد يحط شروط للسجاده بتاعته .. قصدي عروسته يعني .. ولو لقي الشروط دي يروح عندها ..

و يعد يتفرج عليها .. و يقرر هيشتري و لا لاا .. قصدي يتجوز يعني ..

ولو طلعت مش لايقه علي اوضه الصالون .. يووووووووه قصدي عليه .. يسبها ..

طب مش بالله عليكم ده ذل لينا

انا مش مع ان البنت تنزل و تختلط في الشارع عشان تجيب لها واحد .. لا لا لا و مليون لااااااااااااااااااااااا

انما انا ضد الجواز ده بكل ما املك من حواس ...

مش معني كده اني مأيده الجواز الي بعد حب و معصيه .. لا برضه

يعني و لا جواز بعد حب و معصيه و لا جواز تقليدي ..

انما انا مأيده نوع واحد من الجواز وهو ان واحد يحب واحده و هي كمان .. فا يروح يتقدم لها .. اهو و لا حب و معصيه .. ولا تقليدي

وكمان عاوزه اوضح نقطه .. مش معني كلامي ان الجواز ده مش ناجح .. لا اطلاقا .. ده ناجح جدا .. ده اغلب الجوازات الناجحه من التقليدي الزفت ده ..

انما انا رفضاااااااااااااااه ان شاء الله مش هتجوز خالص مش مهم ..

و طبعا كده عرفتوا ليه سموه جواز صالونات يا سجاجيد .. قصدي يا عرايس ..


ها مين هتنضم للحمله دي معايا ؟؟

حمله لست سجاده .. انا بنت شحاته ..


لا طبعا هغير الشعار ده .. احنا مش سجاجيد .. احنا بناتيت ..

دي معقوله انما شحاته دي مش لطيفه خالص ..

الراعي الرسمي للحمله .. السجاده ثلووووووووج ..

   

الخميس، 7 مايو 2009

13 رايكمـ حقوق النشر محفوظه ل ¤¦¤Ebtehal ¤¦¤ في 10:11 ص

وينه اليوم .. الي هتصير احلامي حقيقه ..؟؟

وهقدر ارسم حياتي .. بالشكل الي احبه ؟؟؟

   

الأربعاء، 6 مايو 2009

4 رايكمـ حقوق النشر محفوظه ل ¤¦¤Ebtehal ¤¦¤ في 10:57 ص

دي قصه كنت سمعتها في مكان ما .. لا اذكره .. بس مفيده اوي .. اسمعوا ..
كان يحكي انه كان يوجد عصفور يطير في ايام البرد القارص ..

حتي اشتد البرد فجأه و هبت عاصفه تلجيه ..

فتجمدت اجنحته .. ولم يستطع الطيران مجددا ..

فحزن العصفور جدا ..

ثم جاءت بقره و -عذرا- قضت حاجتها عليه ..

فأنصهر التلج من علي اجنحته ..

ففرح العصفور جدا .. وظل يغني بصوت عالي ..

حتي سمعته قطه قريبه من مكانه .. فتتبعت اثر الصوت ..

وذهبت للعصفورو نفضت من عليه القاذورات و اكلته ..

*******
ومن هذه القصه نتعلم ..

1- ليس كل من يأذينا في الظاهر يكون فعله مؤذي في الحقيقه ((مثل البقره))

2- ليس كل من ينفعنا في الظاهر هو نافع في الحقيقه ((مثل القطه))

3-وعندما نشعر بالسعاده .. يستحسن ان لا نغني بصوت .. عالي ..

   

الاثنين، 4 مايو 2009

new style :cheer:

10 رايكمـ حقوق النشر محفوظه ل ¤¦¤Ebtehal ¤¦¤ في 3:13 م

عملت استايل جديد للمدونه ارجو يعجبكم ..

و محدش يركز مع الصوره الي فوق دي عشان مالهاش علاقه اصلا

^^

المهم .. ادعوا لي عشان في مليون حاجه هزبطها في الاستايل ده .. عشان احط حاجتي القديمه ..

......

ارجو يعجبكم و سلام..

   

الأحد، 3 مايو 2009

الجمعة، 1 مايو 2009

قلبـــي

16 رايكمـ حقوق النشر محفوظه ل ¤¦¤Ebtehal ¤¦¤ في 3:09 م

كده افضل بكتير ..

>>