داخل دهاليز عقلي.

الاثنين، 30 مارس 2009

السبت، 21 مارس 2009

5 رايكمـ حقوق النشر محفوظه ل ¤¦¤Ebtehal ¤¦¤ في 2:07 م

انا مش .. مبســـــــــــوطه ..!!

   

الجمعة، 20 مارس 2009

sorry

11 رايكمـ حقوق النشر محفوظه ل ¤¦¤Ebtehal ¤¦¤ في 5:16 م

انا آسفه ..

انا معرفش هي لمين ..

ولا ليه ..

بس انا حاسه اني لازم

اآسف ..

يمكن عشان..

ضيعت حاجات كتير من ايدي ..؟؟

عشان ظلمت نفسي كتير ..؟؟

عشان عملت حاجات لناس مايستحقوش ..؟؟

عشان خليت ناس ماتسواش تبهدلني .. ؟؟

عشان اديت ناس اكتر من مقامها .. ؟؟

عشان تجاوزت حاجات كنت رفضاها .. ؟؟

عشان عاطفيه زياده .. ؟؟

عشان لما بحب .. بحب اوي ..؟؟

عشان مش بحب اجرح حد .. ؟؟

عشان باجي علي نفسي عشان خاطر ناس كتير ..؟؟

عشان .. عشان .. لو اعدت اكتب هكتب للصبح ..

عشان كده انا بس ..

آســـــــــــــــــــــــــــــــفه .. اوي .. !!

   

الأربعاء، 18 مارس 2009

:'(

5 رايكمـ حقوق النشر محفوظه ل ¤¦¤Ebtehal ¤¦¤ في 9:56 ص

بصوا بصوا .. المشهد ده و تخيلوا معايا كده ..

واحده بنوته .. بتحب الخروج و الهيصه و الاختلاط بالناس و الرغي و الكلام و الفسح و الطنتيط..

واعدت طووووووووول حياتها .. كل يوم بتخرج تقابل ناس ..

طوووووووول الاسبوع في المدرسه .. بتقابل دي و تشوف دي و تهرج و تجري و تلعب ..

ويوم الجمعه الاجازه بتخرج برده تقابل ناس تانيه غير الي بتشفهم طول الاسبوع ..

وحياتها ماشيه كده و كل حاجه تمام جدا ..

حلو ..؟؟

المهم جت البنوته دي خلصت ثانويه عامه و الحمد لله.. واخيرا هتبقي في الكليه ..

وفرحت و بيس ..

كل ده تمام لحد هنا ..

بدأت السنه الدراسيه الجديده ..

يوم 20\9\2008

وكل الناس جريت علي كلياتهم .. او مدرستهم .. او شغلوهم ..

وهي كمان جريت علي كليتها .. حقوق عين شمس ال ..

((الله دي الكليه كبيره قوي و مليانه ناس كتير )) .. كانت اول خاطره جات في دماغ البنت دي ..

وعدي اليوم علي خير و كان وهمي ومحدش يقدر ينكر ..

وجيه اليوم الي بعده .. طبيعي كل الناس نزلت تاني كليتهم.. مدارسهم .. اشغالهم ..

الا صحبتنا دي ..

عشان ظروف كده مش هنتناقش فيها ..

وبقي ده العادي..

انها قاعده في البيت ..

بلا شغله و لا مشغله ..

بعد الحياه الي كلمتكوا عنها في الاول ..

خلاص .. لحد هنا برده عادي جدا ..

المهم جت البنت دي .. اكتئبت ..((حقها جدا جدا جدا )) بصراحه ..

و بقت علي طول بتعيط و بقت بتكره كل حاجه ..

برده لحد هنا عادي ..

بصوا بقي الي مش عادي ..

انها لقت محدش مستحملها .. محدش مستحمل صراخها ..

حتي اقرب اقرب الناس ليها ..

وهي علي فكره مش مجنونه يعني و 24 ساعه صويت و كده عشان ما يستحملوهاش ..

لا خالص ..

انما سعات الاكتئاب بيزيد شويه .. فا بتعيط اكتر او كده ..

وبرده بيزعقوا فيها ..
ده بدل ما يطبطبوا عليها ؟؟

طيب في نظاركوا .. البنت دي تعمل ايه.....؟؟؟

تعمل ايـــــــــــــــــــــــــــــــــــه؟؟


-تشد شعرها .. ؟؟

-تصوت باعلي صوت؟؟

تنتحر؟؟

اكيييييييييييد .. لا ..

طب تعمل ايه ؟؟

اييييييييييه؟؟

حد بقي يبقي يدرس الحاله .. و يقول لي ..

   

السبت، 14 مارس 2009

:(

3 رايكمـ حقوق النشر محفوظه ل ¤¦¤Ebtehal ¤¦¤ في 8:16 ص

i never needed afriend .. like I do now



مش عاوزه حد يفهم غلط

طبعا .. طبعا

انا عندي

اصحاب كتير جدا

وكلهم بحبهم اوي

وكلهم معايا علي طول

حتي الناس الي ماشفتهمش

لايــــــــف

زي اصحاب المدونه

او الفيس بوك

او المنتدي

و طبعا صحاب الكليه

وصحاب المدرسه

واقاريبي

يعني مش محتاجه حد الحمدلله

طبعا بتقولوا امال

البوست ده ليه

اقول لكوا

اني محتاجه حد

مش عارفه مين

وليه..

بس محتاجه حد

عشان كده جيه

علي بالي المقطع ده

وده كان من اغنيه

حسيته هو الي لايق

لكن مش عاوزه حد

ياخده بالمعني الحرفي

ماشي..

المهم

نرجع للموضوع الرئيسي

هو ممكن حد يعرف حد

يعرف يحل مشكلتي ؟

دي مشكله صعبه

جهل حالتي

يعني اما اكون مش

عارفه مالي

دي مشكله

لازمـ ابقي عارفه

مشكلتي..

عشان اعرف احلها

والمشكله

اني معرفش ايه

المشكله

عشان احل المشكله

وبالتالي

بقي عندي مشكله

اني مش عارفه ايه المشكله

وكده بقي عندين

مشكلتين



غالبا بدأت

اخرف

..

يالهوي

هو م الاخر

انا مخنوقه

ومش لايقه حته اهبل

فيها

غير مدونتي الحبيبه



وانا محتاجه

حـــد

اي

حــد

بس حد

يملا الفراغ

غالبا فهمتوني



صح؟؟

الي مافهمش

يمشي من هنا



مش عاوزه غباء



..

   

الاثنين، 9 مارس 2009

7 رايكمـ حقوق النشر محفوظه ل ¤¦¤Ebtehal ¤¦¤ في 10:16 ص

النهارده عيد ميلادي .. بصراحه مش مصدقه.. انا اليوم ده بستناه من السنه للسنه .. ده اجمل يوم في السنه كلها .. عارفين بقي عندي كام سنه .. 18 يااااااااااه تتخيلوا ..؟؟
18 سنه.. وانا احمل نفس الاسم ..

18 سنه .. وانا عايشه مع نفس العيله ..

18سنه .. عدوا بحلوهم و مرهم((المر اكتر)) ..

18 سنه .. كل يوم كنت بتعلم حاجه جديده ..

18 سنه .. في حاجات كبرت جوايا و حاجات تلاشت ..

18 سنه .. في ناس كبروا في نظري و ناس استحقرتهم ..

18 سنه .. في لحظات كتير اوي كنت بستناها .. بعضها جيه .. و بعضها لا..

18 سنه .. تمنيت ملييييييييييييييون امنيه .. و نصهم راحوا في الهوا ..

18 سنه.. اتعلمت معني ((القابض علي دينه كالقابض علي الجمر))..

18 سنه .. ادركت -اخيرا- ان في ناس مش ممكن يبقوا زي ما احنا عاوزين..

18 سنه .. عرفت ان ليس كل ما يتمناه المرء يدركه او.. لا شيء يتمناه المرء يدركه..

18 سنه .. عرفت ان الحياه مجرد مكان غبي يفرض علينا ظروف اغبي..!!

18 سنه .. عدوا هوااااااااا و خصوصا ايامي الحلوه فيهم..


18سنه .. وحشني ناس كتير قابلتهم خلالها..

18 سنه .. نفسي الجاي يكون احسن منهم..

18 سنه اتغير حاجات كتير اوي خلالهم ..
و اتغير ناس كتير من حوليا ..
ناس قلت احسن.. و ناس قلت ياااااااه وحشوني..
يومـ عيد ميلاديـ السنهـ ديـ عنديـ املـ كبير يبقيـ مختلفـ .. اتمنيـ و ادعوا ربيـ انـ امنيتيـ تتحققـ ..




وكل سنه و انا طيبه يا رب.. !!



18 سنه مش ناسيه و لا لحظه فيهم.. ولا شخص شفته فيهم ..

   

الجمعة، 6 مارس 2009

انقطاع الي اجل غير مسمي..

6 رايكمـ حقوق النشر محفوظه ل ¤¦¤Ebtehal ¤¦¤ في 7:13 ص

هلااااااااا بكل حايب قلبي الي متابعين المدونه دي .. والي منورنا علي طووووووووول..

اولا بتأسف علي غيابي المفاجئ ده .. لكن بجد مشغوليات كده -بتكلم زي الناس المهمه -

ثانيا هنقطع شويه عن الكتابه لحد ما اجمع كام موضوع كنت عاوزه انشره هنا و ابحث فيه و بعد كده ابقي انشره.. عشان عاوزه بوست

جامد بقي المره الجايه..


خلاص.. اراكمـ علي خير ..

   

الأربعاء، 4 مارس 2009

32 رقم البوست ده

11 رايكمـ حقوق النشر محفوظه ل ¤¦¤Ebtehal ¤¦¤ في 6:49 ص

ياااااااااااه عارفين البسوست ده يبقي رقم كام؟؟ .. 32 ..

عارفين ده معنااااااه ايه؟؟ معناه اني رغايه رغي مش ممكن..

انا طول عمري عارفه اني رغايه بس اوي مره اعرف اني للدرجه دي.. ايه ده 32 بوست خلال شهر او اقل...

طب يعد سنه هيبقوا كام بوست

وبعد سناتين.. 3.. 4


هتبقي كارثه مش مدونه.. الا بقي اني ابطل كتابه-بعد الشر-

او اموت بعد الف شر..

او ابطل رغي.. بعد ميت ديشليون عشروميت شر..

غير كده بقي هفضل ارغي هنا.. وانتوا يا حرام تقروا رغيي.. و تعلقوا عليه وانا ارد عليكوا و كده

مش عاوزه حد يزهأ ده احنا لسه في الاول..

علي العموم انا قلت اهو عشان محدش يجي بعد شهرين يفيص مني و يقول لي حراااااااااااااام..والكلام ده.. انا عارفه دلع البنات

كويس و حفظاه و درساه..

و مش هتقبل اي اعتذرات من اي نوع.. هتقروا يعني هتقروا ..


يالا كله يجيب فلتر للشاشه عشان عنيكو.. و يجهز عشان يقرأ بقي و يعيش معايا..


سلام لحد البوست الجاي الي غالبا هيبقي بليل..

   

الثلاثاء، 3 مارس 2009

احاسيسي انا .!!

9 رايكمـ حقوق النشر محفوظه ل ¤¦¤Ebtehal ¤¦¤ في 4:28 م

هو ليه مشكلتي ثانويه.. رغم انها اساس الاساس؟؟

_____

ليه الموضوع ده شاغل تفكيري اوي اوي.. كده..
_____


لعله خير.. طبعا مافيهاش كلام..

_____

مش هاروح هناك تاني عشان بكتئب .. و بندم علي حالي..

_____

درجتين في الميه.. هي الفرق بين التعاسه و الفرح.. مش هقول غير كله بأمر الله..

_____

خايفه موت اخد الخطوه دي و اندم زي قبل كده..

_____

افتكرت حد يا ريتني ما افتكرته..

_____

نفسي اطلع علي جبل و اضرخ واقول يا ررررررررررررررررب

_____

جوايا بركان هينفجر في اي لحظه.. بس مش قدام حد..

_____

مشاعري مقيده لحين وقتها الصحيح..

_____

نفسي يوم من ايامك يا رضوان يرجع تاني

_____

مش متخيله ان ممكن في يوم افكر اعيد الي حصل ده تاني .. استحاله..

_____

الجو بارد جدا..

_____

لو مش عاوز تتحير اوعي تصاحب القصير..

_____

وحشني جدو عبد الوهاب اوي.. كان نفسي يشفني و انا عندي 18 سنه

_____

ربنا يخلي لي جدو احمد

_____


لا مش هسمع كلام حد.. كلهم مش فارق معاهم اعيد تاني..

_____

ايوه صحتي بمب الحمد لله

_____

نفسي في بازوكا عشان اخلص من الظلم

_____

ونفسي في طبانجه صوغيره كده و اخلص من الدنيا

_____

ايوه بتكسف ..

_____

نفسي في بيتزا بالزعتر..

_____

نفسي في بيبي مروان بقي

_____

امتي هرقص رقصه الفرح بقي..؟

_____

وامتي ماما و اخواتي هيعملوا كده

_____

نفسي ادخل خناقه

_____

نافوخي يا عالم

_____

فين ايام ترايدنت

_____

خلاص تحررت من الغباء و السذاجه..

_____

محدش فاهم..

____

اغبييييييييييييييه

_____

محدش بيفكر بمخه.. كله بيفكر برجله او جزمته ..

_____

عاوزه حد يجيب لي ورده حمرا

_____

نفسي اتلم مع ناس بحبهم تاني بقي

_____

best freind

_____

نفسي احط تقويم علي سناني..

_____

منتظره فرجك يا ربي.. و اعلم انه قريب

_____
نفسي في اجازه

_____

اضحك الصوره تطلع حلوه..((مش للدرجه دي))

_____

بجد؟؟ حقوق عين شمس؟؟

_____




معلش رخمت و طولت البوست ده.. بس بجد ارتحت اما كتبت كده.. ارجو محدش يمل..


تحياتي..