داخل دهاليز عقلي.

الأربعاء، 25 فبراير 2009

الي مجهول..

9 رايكمـ حقوق النشر محفوظه ل ¤¦¤Ebtehal ¤¦¤ في 8:08 ص

والي تاعبني بحبك اكتر..

وانا معرفكش و انتا ما تعرفنيش...

علي الهامش

معرفش انتا مين بس مكانك فاضي..

   

الاثنين، 23 فبراير 2009

مشكله ليس لها اي حل..

5 رايكمـ حقوق النشر محفوظه ل ¤¦¤Ebtehal ¤¦¤ في 11:38 ص

عمر حد وصل للاخر..يعني جاب اخره في الدنيا دي؟؟

مم..حوضح لكوا الاخر ازاي..

عارفين شعور واحده واقفه علي جبل المقطم علي الحافه ووراها جيش تعابين علي عقارب..؟؟

((اكيد مش عارفين))

يعني خلاص وصلت للاخر ماهو يا تنط و تموت..يا تستني الاخوه التعابين يتعشوا بيها..

ده بنسميه الاخر.. ايه.. سمعت حد بيقول ممكن تحارب التعابين و تعيش..

اه فكره و الله تصدقوا..

طيب خدوا مثال تاني..

واحده تاهت في الصحرا و معاها ميه نار..ماهو ياتشرب الميه و القلب داعي لها.. يا تموت م العطش..

((مافيش اي حركه اكشن في المشهد ده))

ده الاخر.. هو ده الي عاوزه اقول عليه.. يعني واحده خلاص دنيتها ((دايره مقفوله))

مينفعش.. اي حل.. اي حاجه هتعملها هتؤدي لنفس النتيجه..

طيب بالله عليكوا..واحده كده تعمل ايه؟؟؟

الي يعرف يقول...

((عارفه اني رخمت بقالي كام مره كده بسيب اخر البوست سؤال و مستينه الاجابه..معلش جت معايا كده بقي استحملوا..))

   

الأحد، 22 فبراير 2009

9 رايكمـ حقوق النشر محفوظه ل ¤¦¤Ebtehal ¤¦¤ في 2:06 م

دي باقه ورد اهداء مني ل((بندقه))

عشان هي بجد انسانه مشجعه .. وهي الي علي طول بتعمل لي كومنتس ع البلوج هنا.. وده شيء بيشجعني جدا.. وهي قالت لي علي كام حاجه كانت غلط في سيستم البلوج..وكمان عشان الحركه اللطيفه الي هي عملتها علي البلوج بتاعتها وحطت بلوجي وكتبت فوقها ((مدونه تستحق المشاهد))

بجد متشكره جدا يا جميله.. انتي انسانه جميله فعلا و تستاهلي اكتر من الورووود دي..

وكمان ماانساش بعد بندقه.. سويت فيوليت.. برده انسانه جميله بتشجعني هنا من خلال الكومنتس..وكمان من متابعي المدونه دائما..

بجد برده متشكره ليكي جدا يا جميييييييييييله..

   

5 رايكمـ حقوق النشر محفوظه ل ¤¦¤Ebtehal ¤¦¤ في 5:41 ص

مش عارفه مالي..

هو انا زعلانه..

طيب فرحانه؟؟
مهيصه؟؟

ولا مهيسه؟؟

عاوزه اضحك من قلبي؟؟

ولا اعيط؟؟

بحب؟؟

ولا بكره؟؟

مش عارفه بجد مالي؟؟؟؟

مش عارفه عاوزه ايه بالزبط؟؟

طيب لو حد عارف اعمل ايه يقول لي.. او حد عارف مالي برده يقول لي .. وانا هفضل مستنيه لحد ماعرف..

   

الجمعة، 20 فبراير 2009

4 رايكمـ حقوق النشر محفوظه ل ¤¦¤Ebtehal ¤¦¤ في 9:21 ص

بالحبر الاسود
ازاي ارسم ورده روز؟
:
:
:
v
من كتاب حبه هوا ((وليد طاهر))

   

الخميس، 19 فبراير 2009

ثقوب في الضمير

4 رايكمـ حقوق النشر محفوظه ل ¤¦¤Ebtehal ¤¦¤ في 3:11 م

اصبح في مجتمعنا الحالي كل فرد يحمل ثقب او اكثر في ((ضميره))..


فمثلا..

بعض الشباب الذين يخدعون اهلهم زاعمين انهم في المكتبه للقراءه..بينما هم في ((النادي))
تجد الشاب منهم في بادئ الامر يتلفت حوله ..بنظرات يملاها الخوف و الارتباك.. خوفا من ان ينكشف امره..ويكاد يموت بسكته قلبيه عند اتصال والدته عليه.. وتجده يتكلم معها و هو شبه فاقد الوعي..
ثم و بعد تكرار هذا الموضوع تجده لا يبالي ..
هكذا اصبح لديه((ثقب في الضمير))


-احيانا تجد شركه ما تقوم ببعض الاعيب في الاوراق لتبدو اوراقهم سليمه.. و تجدهم في قمه الارتباك..وفور وصول المسؤلين عن التفتيش و رحيلهم بعد ان اكدوا ان هذه الشركه خاليه م العيوب..تجدهم قد اعجبهم الامر..ويكرروووووه((اصبح لديهم ثقف في الضمير))

اعزائي..لست اجد من الامثله الواقعيه الكافيه لتأكيد وجهه نظري.. لكن اذا بحث كل منا حوله سيجد هذا المثال واضحا امامه..

حينها تذكروا كلامي .. و حينها اعلموا انك اخيرا-وبلا فخر- قد قابلتم احد اصحاب ((الضمائر المثقوبه))

   

الأربعاء، 18 فبراير 2009

ذكريات محفوره من 17 سنه ونص..

2 رايكمـ حقوق النشر محفوظه ل ¤¦¤Ebtehal ¤¦¤ في 12:28 م

عمري ما هنسي..او مره شفت فيها ماما..ايه عادي ..لسه فاكره ايه المشكله يعني..

عمري ما هنسي.. اول يوم كي جي.. و ادايه كنت فرحانه.. اصلي دخلت المدرسه بقي و دي في عرف الاطفال اول خطوه في عالم الكبار..


عمري ما هنسي..اول يوم رحت مدرسه الرضوان..كنت في تانيه ابتدائي بابا سبني ع الباب و دخلت المدرسه..المدرسه دي فيها طابور البنات فوق و الولاد تحت..ده كان وضع غريب عليا..فا وقفت تحت مع الولاد..واستغربت ازاي انا البنت الوحيده الي جات..لحد ما جات بنت اخدتني فوق..

عمري ماهنسي.. اول مره لبست فيها القميص البيج الجميل ده علي الدريل الزيتي..وبقيت في اولي اعدادي..وكمان فصلي في الدور الرابع..دور البنات الكبار..

عمري ماهنسي ..اول فسفوسه طلعت لي في خدي و انا في تانيه اعدادي..وكانت وجعاني..

عمري ماهنسي..يوم ما قلت ل لولو تعالي اعدي هنا بالعند في البت الي هناك دي..ولا يوم ما قلت لميمي نبقي صحاب..

عمري ماهنسي..يوم ما بقينا اربع صحاب في تانيه اعدادي..

عمري ما هنسي.. يوم ما لبست العبايه الكحلي و انا في اولي ثانوي و كتا ست اصحاب..

عمري ما هنسي.. ازاي بعد كده بقينا اكتر..

عمري ما هنسي..اما في تالته ثانوي حسينا اننا اكبر دفعه في المدرسه..

عمري ماهنسي..يوم ما دخلت جامعه عين شمس.. ولقتها كبيره اوي..مش زي المدرسه..

عمري ماهنسي..يوم ما لقيت ان في ناس كتير اوي بحبهم اوي..

عمري ماهنسي..اول يوم امتحان في حقوق..انا كنت خايفه جدا..اللجنه كبيره اوي و معرفش بني ادم واحد هناك..وتلت تربعهم ولاد

عمري ما هنسي..اول يوم اخازه في نص السنه اما رجعت من امتحان الشريعه رشقت علي الكومبيوتر

عمري ماهنسي..ان الاجازه دي كانت اول اجازه اخرج كل يوم فيها ..

_________

دي بعض الذكريات الي عمري ما هنساها.. طبعا في كتييييييييييييييييييييييييير اوي بس سر بقي..

وطبعا زي ما لحظتوا ما كتبتش الذكريات المهببه..

   

2 رايكمـ حقوق النشر محفوظه ل ¤¦¤Ebtehal ¤¦¤ في 6:20 ص

ماما: مدونتك رقيقة جدا وبتفكرنى بنفسى وأنا صغيرة " ماأنت عارفة موهبتى فى الشعر والتأليف " بصراحة سعيدة بكلامك وخاصة انه يدل على عمق التفكير وعلى شخصية تختلف كتير على اللى باشوفها كل يوم ههههههههه بس الحقيقةالمدونة حلوة جدا ...



ده الكلام الي مامتي قالته عن المدونه .. وكتبته في الشات بوكس هنا.. بس خفت يتمسح مع اي كلام جديد يتكتب..

فا قلت اكتبه في بوست عشان يفضل موجود علي طول..عشان زي ما انتوا عارفين اكيد ده احلي كلام احب انه يفضل موجود في مدونتي..



شكرا يا امي