الجمعة، 14 يناير 2011


ظهرت اليومين دول ظاهره خطيره جدا وسط كل الظاهر التي لا تقل خطوره عنها .. الي بتبقي حوالينا ..

لكن الظاهره دي محدش واخد باله منها نهائي ..

والظاهره دي عباره عن كل ما ادخل بروفيل حد سوا ف التويتر .. فيس بوك .. بلوج ..

الاقي بالخط العريض الجمله دي : (( يا أمه ضحكت من جهلها الامم ))

هو حد فاهم معني الكلمه دي و لا احنا بنكتب اي حاجه و خلاص ؟؟!!

اولا بغض النظر عن ان الي بيكتب كده بغتاب امه بحالها !!!!!!

وان الذنوب مشاء الله تكفيه يدخل النار حدف من غير و لا ذنب تاني ..

انما انا بتكلم عن الي بيكتب كده مش فاهم ان الامه دي يعني (( المسلمين))

هو بقي عاوز يشتم الشعب المصري يقول يا شعب يقول يا قوم يا اي حاجه تانيه ..

لان اظن ان في ناس من الامه دي .. يعني مشلمين مش مصريين .. اعلم ميت مره من كل واحد بيقول علي الامه جاهله ..

وبعدين اعتقد برضه ان اول واحد قال الجمله دي ماكنش مسلم ... او مسلم اسما بس ..

بس طبعا بكل سهوله قدر يدخل الكلمه دي وبكل جهل للامه المسلمه ..

انا حبيت اقول الكلام ده عشان في ناس مش واخدين بالهم ..

انما لو حد واخد باله و بيقولها .. احب اقوله .. انت الي جاهل جهل الابل .. لانك لو بجد عندك ذره علم

هتعرف ان دي اعظم و اجمل امه في الوجود ..

و هتستحي انك تشتم امه نبيها .. محمد -صلي الله عليه وسلم- اشرف الخلق كلها ..!!




الخميس، 6 يناير 2011

عشان خلص الكلام


عشان خلص الكلام ومابقاش في اي حاجه تستاهل اننا نتكلم ..

مصر باظت و مبقتش زي زمان .. حتي اقل اقل اقل حاجه فيها الي هو الامان .. ما بقاش موجود !!

وطبعا مش محتاجه اذكر الحاجات التانيه الي كانت موجوده و مبقتش موجوده عشان ال80 او ال90 مش اعرفش .. ملوين مصري ..

حفظينها عن ظهر قلب ما احنا مشاء الله شعب حافظ مش فاهم ..

و المشكله الخطيره و التي عجز مخي -الصغير- عن معرفه سببها ..

كل ما نتقابل حد يعد يشتم ف البلد و مش عاجبه الي بيحصل و تلاقيه مشاء الله في غضون 10 دقايق .. عدد لك المشاكل و انواعها و قالك حلها كمان ..

وطبعا لازم يقول لك الجمله الي الكل بيقولها : الحكومه مالهاش دعوه ده كله من الشعب !! .. جميل انا كمان متفقه معاك ..

طيب ما انت واحد من الشعب .. يعني المفروض ابدا بنفسي ..

وطبعا موضوع ابدأ بنفسي ده برضه كله حافظه ..

ومحدش بينفذ ..

يعني من الاخر احنا ما بقتش مشكلتنا مشكله جهل .. ولا مشكله حكومه .. و لا مشكله مصر كبلد ..

بقت مشكله شعب مصري .. عاوز ياكل و يشرب و يشوف الماتش و يعد يشتم ف مصر .. وبس!!

و بقت مشكله تنفيذ ..

ومشكله اقتناع ان اي حد لو بدا بنفسه و الله والله هنرجع زي الاول ..

بس نقول ايه ؟؟؟

انا الي مضايقني اما حد يعد يتفلسف و هو اكتر واحد بيبوظ مصر ..

وبقول اهو : مش عاوزه حد يعد يقول مصر كذا وكذا و هو سلبي و مخرب .. الايجابيين بس هما الي يبقي ليهم عين يتكلموا ..

بس !!

;;

Template by:
Free Blog Templates