الأربعاء، 20 مايو 2009

blink


blink.gif

انا مستغربه و مزبهله و متعجبه و متسائله

ومش فاهمه و مش مجمعه ومش عارفه

..

ازاي ممكن

واحد حافظ احاديث اد العالم ده

و عنده معلومات دينيه هايله

وتلاقيه مصاحب بنتblink.gif

او تلاقيه مش بيصليblink.gif

او تلاقيها مصاحبهblink.gif

او تلاقيها لبسها مش كويسblink.gif

ازااااااااي.

حد يقول لي..

صحيح ممكن حد يبقي عنده

مواضيع صح و مواضيع غلط

وده حالنا كلنا

لكن في حاجات جوهريه و اساسيه

ما ينفعش

حد يفهمني لحسن مش فاهمه

dry.gif



الاثنين، 18 مايو 2009

تنويه صغير اوي ..

ياجماعه بالله عليكم ..

اي حد يسمع حاجه عن حد من حد مايصدقهاش بسرعه ..

هوضح اكتر ..

يعني واحده جات قالت لواحده حاجه عن واحده تانيه .. ياريت الاولانيه دي ماتصدهقهاش بسرعه ..

خصوصا لو كلام عكس شخصيه البنت دي ..

يعني مثلا لو واحده جات قالت لواحده : تصدقي مش امبارح شفت هيفا وهبي في المسجد بتصلي ..

التانيه : بجد مشاء الله انا كنت حاسه ان فيها الخير ..

حوار تاني

واحده: مش امبارح شفت عمرو خالد في بار و بيشرب خمره ..

التانيه: اخس عليه و انا الي حسباه كويس ..

______

طب بالله عليكوا هل يعقل الكلام ده ؟؟؟؟؟؟؟؟؟؟

يعني الانسان ربنا اداه عقل عشان يوزن الامور و يفكر فيها مش ياخد اي كلام و يصدق ..

طبعا اكيد ممكن هيفا ربنا يهديها و تصلي فعلا مش بعيد علي ربنا يعني ... و كمان ممكن و ليعاذ بالله عمرو خالد يعمل عصيه كده ماهو محدش معصوم ..

لكن برضه مافيش اي مشكله ان الواحد يسأل لحد ما يتأكد محدش ياخد اي كلام شبه مش منطقي و يصدقه ..

وربنا قال الموضوع ده في الايه الكريمه الي بتقول :


يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ

تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُ نادمين

السبت، 16 مايو 2009

للمره التمانتلاف اغير الاستايل
cheer.gif

اصل الي قبل ده بصراحه كان في عيوب جوهاريه اوي بالنسبه لي ..

فا قررت اغيره رغم ان موضوع التغيير مش حاجه سهله .. بس عادي كله فداكم
giveroseaq3.gif

يالا يا رب يعجبكوا .. و تعجبوا اكتر المواضيع الي هنا

الخميس، 14 مايو 2009

انا مش سجاده


ايه موضوع السجاده ده ..

ماهو اكيد انا مش سجاده .. هو في يا اذكيه سجاده عندها مدونه؟؟؟dry.gif

المهم عشان مخسرش حد .. الموضوع الي عاوزه اتناقش فيه معاكم النهارده هو ... الجوزا التقليدي ...

زمانكم بتقولوا ايه علاقه الجوزا التقليدي ده بالسجاد .. اقولكوا..

ايه هي اصلا اركان الجوزا التقليدي .. الخطوات يعني الي قبل الجوزا .. بصوا الحوار ده

فتحيه: ايه ده مشاء الله يا امو اسلام .. اسلام كبر خالص و بقي عريس مش ناويه تفرحي بيه ..

ام اسلام: والله ناويه يا فتحيه بس اصل الواد متنك علي الاخر طالع لابوه .. وحاطط ميت مواصفه للبنوته الي يتجوزها .

فتحيه: طيب قولي لي العريس نفسه في ايه و انا يمكن طليه عندي (( محسساني انها مصباح علاء الدين))

ام اسلام: نفسه في واحده طويله و رفيعه و بيضا و شبه نور الممثله .. و يكون معاها ماجستير علوم سياسيه .. و قموره .. ومعاها عربيه كمان..

فتحيه:amr2.gifمزبهله .. ((والله صعبت عليا الست دي))

طب بالله عليكم مش ناقص يقول .. و تكون لاقيه علي الصالون..180px-Islambouli.gif

هو ده الي بتكلم عنه .. يجي واحد يعد يحط شروط للسجاده بتاعته .. قصدي عروسته يعني .. ولو لقي الشروط دي يروح عندها ..

و يعد يتفرج عليها .. و يقرر هيشتري و لا لاا .. قصدي يتجوز يعني ..

ولو طلعت مش لايقه علي اوضه الصالون .. يووووووووه قصدي عليه .. يسبها ..

طب مش بالله عليكم ده ذل لينا mody.gif

انا مش مع ان البنت تنزل و تختلط في الشارع عشان تجيب لها واحد .. لا لا لا و مليون لااااااااااااااااااااااا

انما انا ضد الجواز ده بكل ما املك من حواس ...

مش معني كده اني مأيده الجواز الي بعد حب و معصيه .. لا برضه

يعني و لا جواز بعد حب و معصيه و لا جواز تقليدي ..

انما انا مأيده نوع واحد من الجواز وهو ان واحد يحب واحده و هي كمان .. فا يروح يتقدم لها .. اهو و لا حب و معصيه .. ولا تقليدي

وكمان عاوزه اوضح نقطه .. مش معني كلامي ان الجواز ده مش ناجح .. لا اطلاقا .. ده ناجح جدا .. ده اغلب الجوازات الناجحه من التقليدي الزفت ده ..

انما انا رفضاااااااااااااااه ان شاء الله مش هتجوز خالص مش مهم ..

و طبعا كده عرفتوا ليه سموه جواز صالونات يا سجاجيد .. قصدي يا عرايس .. farh.gif


ها مين هتنضم للحمله دي معايا ؟؟

حمله لست سجاده .. انا بنت شحاته .. roll.gifroll.gif


لا طبعا هغير الشعار ده .. احنا مش سجاجيد Gol2.gif
.. احنا بناتيت .. 979017911.gif

دي معقوله انما شحاته دي مش لطيفه خالص ..

الراعي الرسمي للحمله .. السجاده ثلووووووووج ..
msg-8251-1206659661.png


الخميس، 7 مايو 2009


وينه اليوم .. الي هتصير احلامي حقيقه ..؟؟

وهقدر ارسم حياتي .. بالشكل الي احبه ؟؟؟

الأربعاء، 6 مايو 2009

كلام مش مهم


النهارده فتحت محفظتي الي مليانه ورق قديم

لقيت ورقه صغيره اوي وبيضا ..

ومكرمشه كمان ..

فتحتها ..

لقيت كلام كنت كتباه من سنه و شويه ..

كلام كنت بعزه اوي..

كلام دخل قلبي زي الصاروخ المستعجل ..

كلام عمري ما نسيته,,

ولا هنساه ..

كلام اول ما افتكرته ..

حسيت انه لخص ..

سنــه ..
ولخص كل حاجه فيها ..

وبضمير كمان ..

سنه .. عدي سنه ؟؟

كبيرت سنه من ساعتها ..

حاجات اتغيرت من ساعتها ..

ومع ذلك حسيت نفس الاحساس ..

نفس الاحساس الي حسيته من سنه ..

رغم ان الموقف كان ناقص ..

ضحكت .. ضحكه غريبه ..

كانت نتاج ..

حزن علي فرحه علي تذكر ..

علي مليون احساس تاني ..

كنت هعيط ..

بس ملقتش سبب لكده ..

رغم ان في الظروف العاديه ..

العياط عندي من غير سبب ..

لكن ماحبيتش ابوظ الاحساس..

عشان انا من سنه ماعيطش ..

ولقيت جنب الورقه دي ..

ورقه تانيه ..

فيها نتيجه الكويز بتاع اليوم ده ..

نفس اليوم ..

اجاباتي كانت ..

بتدل علي واحده غيري ..

عرفت ان فعلا سنه غيرتني ..

من واحده متفائله و شقيه ..

لواحده مكتئبه و شبه ماتت ..

وكمان كان تفكيري بيبي اوي ..

و كنت بتدلع كمان يومها ..

:))

ياه كان يوم حلو اوي ..

انا عارفه انه هيتعاد بشكل تاني ..

ويوم ما ..

ومحدش هيبقي ليه حاجه عندي

:)


دي قصه كنت سمعتها في مكان ما .. لا اذكره .. بس مفيده اوي .. اسمعوا ..
كان يحكي انه كان يوجد عصفور يطير في ايام البرد القارص ..

حتي اشتد البرد فجأه و هبت عاصفه تلجيه ..

فتجمدت اجنحته .. ولم يستطع الطيران مجددا ..

فحزن العصفور جدا ..

ثم جاءت بقره و -عذرا- قضت حاجتها عليه ..

فأنصهر التلج من علي اجنحته ..

ففرح العصفور جدا .. وظل يغني بصوت عالي ..

حتي سمعته قطه قريبه من مكانه .. فتتبعت اثر الصوت ..

وذهبت للعصفورو نفضت من عليه القاذورات و اكلته ..

*******
ومن هذه القصه نتعلم ..

1- ليس كل من يأذينا في الظاهر يكون فعله مؤذي في الحقيقه ((مثل البقره))

2- ليس كل من ينفعنا في الظاهر هو نافع في الحقيقه ((مثل القطه))

3-وعندما نشعر بالسعاده .. يستحسن ان لا نغني بصوت .. عالي ..



الاثنين، 4 مايو 2009

new style :cheer:


عملت استايل جديد للمدونه ارجو يعجبكم ..

و محدش يركز مع الصوره الي فوق دي عشان مالهاش علاقه اصلا

^^

المهم .. ادعوا لي عشان في مليون حاجه هزبطها في الاستايل ده .. عشان احط حاجتي القديمه ..

......

ارجو يعجبكم و سلام..

الأحد، 3 مايو 2009

يد مساعده لي..!!


i need alittel Help

!!

الجمعة، 1 مايو 2009

قلبـــي


كده افضل بكتير ..

>>

sadbye.gif



;;

Template by:
Free Blog Templates